Pastoriu e isvilupu sientìficu cun su berbeghinu lodeinu
de Màuru Piredda
Su 18 de trìulas un’addòviu in contu de innovatziones in Sant’Anna de Lodè Cnr, seletzionada un’azienda chi nch’est in intro de sa Riserva Mab Unesco
15 luglio 2018
2 MINUTI DI LETTURA
LODÈ. Est bastante a sighire sas crònacas econòmicas pro cumprèndere cantu siat de importu s’isvilupu de s’agricultura in cada logu de su praneta. Ma cando su cuntzetu matessi de isvilupu pertocat sas iscobertas de su mundu sientìficu tocat a si sapire de sa distàntzia chi s’agatat intre sos protzessos innovativos e su chi a beru acontesset peri sos sartos. Inno4Grass (Shared innovation space for sustainable productivity of Grasslands in Europe) est unu progetu europeu chi movet dae custa discontinuidade cun sa punna de «incrementare sa produtividade de sas aziendas forageras» e de amparare «sos valores ambientales».
In intro b’agatamus assòtzios de massajos, servìtzios de assistèntzia pro su cumpartu, istitutos de istrutzione e de chircas de oto paisos: Germània, Frantza, Irlanda, Isvètzia, Itàlia, Paisos bassos e Polònia. Sa noa est chi, pro custu progetu, su Cnr at seletzionadu un’azienda casearia chi nch’est in intro de su Parcu de Tepilora e de sa Riserva Mab-Unesco (chi pertocat finamentas sos logos de su Riu Posada e de su Monte Arvu).
“Casu ’e Babbu”, custu est su nùmene de s’impresa lodeina (in sa fratzione de Sant’Anna). Noranta, sos ètaros a disponimentu pro su paschìngiu de sa roba (dughentos berbeghes de ratza sarda). Cruu, est a nàrrere non pastorizadu, su late impreadu pro prodùere su casu berbeghinu traditzionale de Lodè. A pustis de unu compudu in loco, in su mese de maju, Giuseppe Messina (presidente de s’assòtziu Latte nobile italiano, chi dae un’annu tzertificat su “Casu ’e Babbu”) e sos chircadores Cnr (ghiados dae su dutore Claudio Porqueddu) ant definidu, in pare cun su titulare Gianni Mele, un’addòviu tècnicu pro su 18 de trìulas in s’azienda.
Pro sos promotores est unu «momentu de cunfrontu e de riflessione».
In sa mesa sas «oportunidades» chi diant pòdere èssere ingendradas dae s’adotzione «de disciplinares de produtzione» ligados a unu «marcu de calidade» a tretu de èssere reconnotu dae su consumadore. A su focus b’ant a pigare parte pastores, chircadores, tècnicos, amministradores, rapresentantes de su Parcu de Tepilora e de assòtzios consumerìsticos e ambientalistas.
Messina at faeddadu de sa netzessidade de «acumpangiare sos produtores conca a sas innovatziones pro mèdiu de progetos de sustegnu formativu».
Duas sas diretziones chi nât chi tocat a sighire: «sas metodologias de produtzione impreende resursas locales» e «sas tècnicas pro bèndere in rete sos produtos aziendales».
In intro b’agatamus assòtzios de massajos, servìtzios de assistèntzia pro su cumpartu, istitutos de istrutzione e de chircas de oto paisos: Germània, Frantza, Irlanda, Isvètzia, Itàlia, Paisos bassos e Polònia. Sa noa est chi, pro custu progetu, su Cnr at seletzionadu un’azienda casearia chi nch’est in intro de su Parcu de Tepilora e de sa Riserva Mab-Unesco (chi pertocat finamentas sos logos de su Riu Posada e de su Monte Arvu).
“Casu ’e Babbu”, custu est su nùmene de s’impresa lodeina (in sa fratzione de Sant’Anna). Noranta, sos ètaros a disponimentu pro su paschìngiu de sa roba (dughentos berbeghes de ratza sarda). Cruu, est a nàrrere non pastorizadu, su late impreadu pro prodùere su casu berbeghinu traditzionale de Lodè. A pustis de unu compudu in loco, in su mese de maju, Giuseppe Messina (presidente de s’assòtziu Latte nobile italiano, chi dae un’annu tzertificat su “Casu ’e Babbu”) e sos chircadores Cnr (ghiados dae su dutore Claudio Porqueddu) ant definidu, in pare cun su titulare Gianni Mele, un’addòviu tècnicu pro su 18 de trìulas in s’azienda.
Pro sos promotores est unu «momentu de cunfrontu e de riflessione».
In sa mesa sas «oportunidades» chi diant pòdere èssere ingendradas dae s’adotzione «de disciplinares de produtzione» ligados a unu «marcu de calidade» a tretu de èssere reconnotu dae su consumadore. A su focus b’ant a pigare parte pastores, chircadores, tècnicos, amministradores, rapresentantes de su Parcu de Tepilora e de assòtzios consumerìsticos e ambientalistas.
Messina at faeddadu de sa netzessidade de «acumpangiare sos produtores conca a sas innovatziones pro mèdiu de progetos de sustegnu formativu».
Duas sas diretziones chi nât chi tocat a sighire: «sas metodologias de produtzione impreende resursas locales» e «sas tècnicas pro bèndere in rete sos produtos aziendales».
