Universidade, mutos e otadas prof Lutzu nch’intrat “a bolu”
de Màuru Piredda
Casteddu, ativadu su cursu de “Mùsica e poesia de traditzione orale” Su dotzente gadduresu: «Is dischentes manigent is tèrmines tècnicos giustos»
14 ottobre 2018
2 MINUTI DI LETTURA
CASTEDDU. Sa poesia sarda de traditzione orale nche lompet a s’Universidade de Casteddu. Sa novidade nch’est totu canta in custa fràsia. Novidade chi, naturale, si nch’insertat in su traballu fatu finas a como in cussu Ateneu cun su prof Ignazio Macchiarella: pensemus a sos cursos de etnomusicologia in intro de sa matessi facultade de Sièntzias umanìsticas. Ma si s’etnomousicologia pertocat fintzas su chi b’at addae de custa terra, imoe sa chistione est ligada a su mundu de sas otadas “a bolu”, de s’arrepentina, de sos mutos, de is cantadoris a sa campidanesa.
Gràtzias a Marco Lutzu, chircadore a tempus determinadu cun 60 oras de letzione, sos dischentes de sa magistrale ant a pòdere sighire unu primu semestre de “Mùsica e poesia de traditzione orale in Sardigna” (su segundu semestre de “Etnomusicologia de sa Sardigna” est pro sos de sa triennale).
«No ddis apo a imparare s’arte de improvisare versos – at nâdu deretu su dotzente gadduresu – ma bògio chi, pro more de custu cursu, is istudiantes tèngiant is capatzidades e is cumpetèntzias pro connòschere e reconnòschere is particularidades de custas traditziones: is aspetos sotziales e istòricos, sa mètrica impreada, s’atentzione a su càntigu e a sa mùsica, sa dimensione performativa». Nât chi no at a mancare s’impreu de materiale audiovisivu filmadu e montadu dae issu etotu (in Sardigna e in Euskal Herria), sos addòvios cun sos poetas mancari s’istajone siat lòmpida a sos concruos, sa trasferta a su museu interativu “Poetas” in Bonorva. E si dae unu cursu ebbia non b’ant a essire poetas a tretu de improvisare, pro seguru ant a crèschere s’atentzione e sa passione. Baddu si ant a èssere elementos propedèuticos a carchi disinnu atzudu conca a sos parcos.
«No est a istòrchere su chi b’acontesset in aterue – galu Lutzu – a su fenòmenu bascu nos podet agiuare».
«A sa finale de su 2017 bi so andadu cun tres poetas: Pàulu Zedda, Dionisi Bitti e Paoletta Dentoni. E intre is mìgias de persones presentes amus agatadu giòvanos poetende e giòvanos iscurtende. Sa limba e sa poesia in iscola nch’ant bogadu sa gara dae unu cugione giughende·nche·la fintzas a sa televisione».
E s’esame? Comente at a èssere?
«Pro unu resurtu profetosu – cungende s’arresonu – is pitzocos ant a dèpere èssere a tretu de argumentare cun crìtica is temàticas de su cursu; ant a dèpere reconnòschere, descrìere e analizare unu bìculu de gara e depent àere a manìgiu sa limba nostra impreende is tèrmines tècnicos giustos».
E como a istudiare!
Gràtzias a Marco Lutzu, chircadore a tempus determinadu cun 60 oras de letzione, sos dischentes de sa magistrale ant a pòdere sighire unu primu semestre de “Mùsica e poesia de traditzione orale in Sardigna” (su segundu semestre de “Etnomusicologia de sa Sardigna” est pro sos de sa triennale).
«No ddis apo a imparare s’arte de improvisare versos – at nâdu deretu su dotzente gadduresu – ma bògio chi, pro more de custu cursu, is istudiantes tèngiant is capatzidades e is cumpetèntzias pro connòschere e reconnòschere is particularidades de custas traditziones: is aspetos sotziales e istòricos, sa mètrica impreada, s’atentzione a su càntigu e a sa mùsica, sa dimensione performativa». Nât chi no at a mancare s’impreu de materiale audiovisivu filmadu e montadu dae issu etotu (in Sardigna e in Euskal Herria), sos addòvios cun sos poetas mancari s’istajone siat lòmpida a sos concruos, sa trasferta a su museu interativu “Poetas” in Bonorva. E si dae unu cursu ebbia non b’ant a essire poetas a tretu de improvisare, pro seguru ant a crèschere s’atentzione e sa passione. Baddu si ant a èssere elementos propedèuticos a carchi disinnu atzudu conca a sos parcos.
«No est a istòrchere su chi b’acontesset in aterue – galu Lutzu – a su fenòmenu bascu nos podet agiuare».
«A sa finale de su 2017 bi so andadu cun tres poetas: Pàulu Zedda, Dionisi Bitti e Paoletta Dentoni. E intre is mìgias de persones presentes amus agatadu giòvanos poetende e giòvanos iscurtende. Sa limba e sa poesia in iscola nch’ant bogadu sa gara dae unu cugione giughende·nche·la fintzas a sa televisione».
E s’esame? Comente at a èssere?
«Pro unu resurtu profetosu – cungende s’arresonu – is pitzocos ant a dèpere èssere a tretu de argumentare cun crìtica is temàticas de su cursu; ant a dèpere reconnòschere, descrìere e analizare unu bìculu de gara e depent àere a manìgiu sa limba nostra impreende is tèrmines tècnicos giustos».
E como a istudiare!
