Erbas e amparu de s’ambiente cun sas sièntzias naturopàticas
de Màuru Piredda
Tàtari, Roberta Cucciari nos contat de su tzentru istùdios “Mama Terra” «Rispetu pro sos benes comunes e pontes intre sas tzitades e sos sartos»
13 ottobre 2019
2 MINUTI DI LETTURA
TÀTARI. Su praneta sufrit, sas generatziones noas protestant e in cada logu comintzamus a bìdere arresonos projetados cara a s’amparu de sa terra (e duncas de sa vida nostra) e de sas connoschèntzias locales. In Sardigna b’at chie bi traballat dae tempus promovende chirca e formatzione in contu de disciplinas bio-naturales e de istrategias integradas. Ses annos a como nascheit in Tàtari su tzentru de istùdios “Mama Terra”. De sas atividades suas nd’amus faeddadu cun Roberta Cucciari, una intre sas fundadoras.
Movamus dae sas erbas. «Damus grandu importu a sas prantas sardas chi in sas comunidades massajas fiant alimentu de cada die e sustegnu a sa dieta: àpara, fenugru agreste, lapatzu, melagra, urtiga, pigulosa, marmaredda, tzicòria, pistinaga, armuratza, cambiruja, gardu mingione, erba de furchetas, frore de cada mese e àteras. Custas erbas nche diant pòdere torrare a sas mesas nostras, finamentas pro connòschere e rispetare sos territòrios a s’ispissu brutos, non bonificados e destruidos dae sas monoculturas».
Alimùrgicas, duncas. E sas ofitzinales?
«Imparamus a las connòschere e a las trasformare annanghende a sas connoschèntzias de sa farmacopea ufitziale sas chi tenimus in sa meighina populare sarda e mediterrànea (chi tenet cosa meda a cumone cun s’indiana, sa tzinesa, sa vietnamita e àteras). Istudiende·las, tenimus finamentas maistros de gabbale, che a sas sorres Lapia de s’erboristeria nugoresa Montricos, sa tècnico-erborista Paola Rocchigiani, su naturalista Mirko Piras, sa floriterapèuta Roberta Medda».
Est un’acostamentu sistèmicu, su bostru?
«Emmo, non punnamus a sa salude fìsica ebbia, ma finamentas a s’emotiva e ispirituale, a s’echilìbriu carena-conca-emotziones formende operadores chi iscant inditare mudadas durches in s’istile de vida de sa gente. E in contu de amparu de s’ambiente? Nois a sos dischentes nostros lis naramus chi in sas comunidades tocat a mòvere dae sa vida e non dae su dinare. Pro custu motivu, addae de sos cursos de formatzione, tocat de mirare a su rispetu pro sos benes comunes (terra, àera, abba, sèmenes, salude etc.) fraighende pontes intre tzitades e sartos».
Cale venidore pro sa naturopatia in sa formatzione? «Amus aprontadu unu cursu triennale de Sièntzias naturopàticas pro sa formatzione de sos operadores cun 1500 oras frontales, tirotzìniu e tesi finale in cunformidade cun sa Norma Uni 11492. S’ente Fac Certifica at cualificadu su percursu nostru. Tenimus s’isperu chi unu die la reconnoscant a sa naturopatia, matèria antiga».
Movamus dae sas erbas. «Damus grandu importu a sas prantas sardas chi in sas comunidades massajas fiant alimentu de cada die e sustegnu a sa dieta: àpara, fenugru agreste, lapatzu, melagra, urtiga, pigulosa, marmaredda, tzicòria, pistinaga, armuratza, cambiruja, gardu mingione, erba de furchetas, frore de cada mese e àteras. Custas erbas nche diant pòdere torrare a sas mesas nostras, finamentas pro connòschere e rispetare sos territòrios a s’ispissu brutos, non bonificados e destruidos dae sas monoculturas».
Alimùrgicas, duncas. E sas ofitzinales?
«Imparamus a las connòschere e a las trasformare annanghende a sas connoschèntzias de sa farmacopea ufitziale sas chi tenimus in sa meighina populare sarda e mediterrànea (chi tenet cosa meda a cumone cun s’indiana, sa tzinesa, sa vietnamita e àteras). Istudiende·las, tenimus finamentas maistros de gabbale, che a sas sorres Lapia de s’erboristeria nugoresa Montricos, sa tècnico-erborista Paola Rocchigiani, su naturalista Mirko Piras, sa floriterapèuta Roberta Medda».
Est un’acostamentu sistèmicu, su bostru?
«Emmo, non punnamus a sa salude fìsica ebbia, ma finamentas a s’emotiva e ispirituale, a s’echilìbriu carena-conca-emotziones formende operadores chi iscant inditare mudadas durches in s’istile de vida de sa gente. E in contu de amparu de s’ambiente? Nois a sos dischentes nostros lis naramus chi in sas comunidades tocat a mòvere dae sa vida e non dae su dinare. Pro custu motivu, addae de sos cursos de formatzione, tocat de mirare a su rispetu pro sos benes comunes (terra, àera, abba, sèmenes, salude etc.) fraighende pontes intre tzitades e sartos».
Cale venidore pro sa naturopatia in sa formatzione? «Amus aprontadu unu cursu triennale de Sièntzias naturopàticas pro sa formatzione de sos operadores cun 1500 oras frontales, tirotzìniu e tesi finale in cunformidade cun sa Norma Uni 11492. S’ente Fac Certifica at cualificadu su percursu nostru. Tenimus s’isperu chi unu die la reconnoscant a sa naturopatia, matèria antiga».
