Una pàgina pro s’istiu: una dominiga emmo, una dominiga nono
Como chi cumintzat s’istiu, finas sa pàgina Limbas 3.0 at bisòngiu de unu pacu de pasu. Da custu momentu in susu, e nessi nessi fintzas a su mese de Cabudanni, custa pàgina de sa Nuova Sardegna at a...
29 aprile 2018
1 MINUTI DI LETTURA
Como chi cumintzat s’istiu, finas sa pàgina Limbas 3.0 at bisòngiu de unu pacu de pasu. Da custu momentu in susu, e nessi nessi fintzas a su mese de Cabudanni, custa pàgina de sa Nuova Sardegna at a essire cada duas chidas. Una dominiga emmo, una dominiga nono. A pustis de un annu intregu de traballu pro e cun sa limba sarda, cun paritzos articulos, intervistas, retratos, faeddos, inditos, paraulas e enigmas, modos de nàrrere, regulas ortogràficas iscritas, nùmenes e figuras de nomencladura, est arribbadu su momentu de andare in ferias. Giornalistas e collaboradores nde tenent bisòngiu che a totus. Amus a torrare totu pinnigos a pustis de s’istiu imbeniente, cun s’idea de fagher meda e meda galu pro sa pàgina e mescamente pro sa limba sarda. Mancari cun carchi cambiamentu de sa gràfica, datu chi dae su 5 de maju ch’intrata cambiat totu sa gràfica de su giornale nostru.
