La Nuova Sardegna

su 4 de santandria 

Un’ammentu diferente

de Lisandru Beccu
Un’ammentu diferente

Foras dae sas làcanas de sa retòrica  

10 novembre 2019
2 MINUTI DI LETTURA





MACUMERE. Un’interpretatzione curreta de su 4 de santandria est possìbile. Si nche podet essire dae sas làcanas de sa retòrica natzionalista chi nos at impostu s’istadu italianu e si diant pòdere ammentare sos mortos sardos torrende·lis su rispetu chi meressent. Diant èssere cambiamentos de una panoràmica chi, annu cun annu, est divènnida semper prus ripetitiva e sena sentidu morale. Unu sistema tzelebrativu chi ponet in risaltu petzi s’unidade istatale e sas gherras, ma chi nche franghet a a un’ala totu sas cunsighèntzias sotziales, polìticas e culturales cajonadas dae sos cunflitos armados.

Sos primos sinnales de cambiamentu sunt mòvidos, sos annos colados, dae sas comunas de Iscanu, de Bauladu e de Biddanoa de Forru chi ant propostu una tzelebratzione alternativa, cuntestualizende s’eventu tzelebrativu cunforma a sos efetos chi ant tentu sos eventos bèllicos pro sa Sardigna. Ocannu, a custas pagas comunas, si nche nd’at agiuntu àteras che a: Macumere, Pabillonis, Serrenti, Tertenia, Silanos, Aristanis, Mamujada, Arresi, Piaghe, Ruinas, Ussaramanna, etc... S’operatzione, coordinada dae sos amministradores chi ant aderidu a sa Corona de Logu, nch’at giutu a sos consìgios comunales unas cantas propostas de interpretatzione istòrica curreta subra sas cummemoratziones de su 4 de santandria: òrdines de sa die cun dibata in consìgiu comunale e invitos a sa rinùntzia de su tricolore, in càmbiu de sos colores comunales, in sos allestimentos pro sos mortos de gherra. Documentos e initziativas pro contare su sacrifìtziu de prus de 13.000 giòvanos, mai torrados, mòvidos conca a su fronte pro leare parte a cumbatas orrorosas, contra a inimigos chi non connoschiant. Fiat sa Prima gherra mundiale!

Sordados de su de 151 e 152 regimentos de fanteria de sa Brigata Tàtari, formatzione de gherra formada petzi de sardos e nàschida in ocasione de cussu cunflitu. Pastores, massajos, mastros de linna e mastros de ferru chi finas a tando no ischiant mancu ite fiat sa trintzea. Befados duas bortas dae s’istadu issoro etotu: sos mortos ant dadu sa pedde pro sas glòrias de una Pàtria disconnota; sos chi sunt resèssidos a torrare, imbetzes, si sunt agatados sena nudda, sena nemmancu su bìculu de terra chi s’Istadu lis aiat promissu. Sunt custos sos motivos chi ant ispintu consigeris, sìndigos e assessores a aviare sas initziativas in sas Comunas. Atos coragiosos chi espressant cussèntzia e rispetu pro chie at vìvidu sas disauras de cussos annos.



La tragedia

Tre vite e tre famiglie distrutte nello schianto sulla Sassari-Alghero

di Davide Pinna
Le nostre iniziative