Massàgios, assussegu e pasu trinta minutos de “Riposino”
de Màuru Piredda
Servìtziu ativu cada die in su “Jester club” de carrera de Roma 257 de Casteddu «S’utente si nch’at a pòdere apartare un’iscuta dae su mundu esternu»
08 dicembre 2019
2 MINUTI DI LETTURA
CASTEDDU. Est fàtzile a pensare a cantu siat de giudu su pasu in s’esistèntzia nostra. Ma àteru contu est a resèssere a pigare una parte de sas oras chi non dormimus pro nos aorare dae sos ritmos frenèticos de sa vida de cada die. Sos istùdios in contu de pasu nos narant chi custa netzessidade est ligada a su funtzionamentu curretu de s’organismu nostru. E no est petzi una chistione de cantidade. Est beru chi su pasu noturnu est sa base de totu (a su nessi pro chie a de note non bi traballat) e non devet èssere inferiore e superiore de unu tempus determinadu cunforma a s’edade (sos adultos dae sos 26 a sos 64 annos, pro nàrrere, diant devent dormire dae sas 7 a sas 9 oras, mai in mancu de ses e mai in prus de 10). Ma b’at finamentas una chistione de calidade, e custa nos pertocat in totus sas 24 oras de su die.
Est de giudu, duncas, a agatare momentos de pasu finamentas in antis chi su sole si nche ghetet. In Casteddu ant tentu un’idea pro chi custa netzessidade non si brighet cun su traballu e sos àteros impignos. “Riposino”, in su Jester club de carrera de Roma 257, est unu logu in ue si podent agatare 30 minutos pro los colare cun massàgios, assussegu e pasu. «Pro totu su mese de idas – narant sos animadores de custa initziativa – bos ais a pòdere torrare a carrigare durante sas dies de traballu sas prus intensas, in su momentu de su pràngiu o durante sas còmporas natalìtzias».
Cale est sa proposta de “Riposino”? «Tenimus tres postatziones (base, medium e premium) pro chi s’utente si nch’imbergat in unu pasu chi lu torret a nou in intro de un’ambiente saludadosu cun ischermos a Led chi projetant iscenàrios naturalìsticos». In intro b’agatamus chimbe massagiadores, a disponimentu de sos òspites, chi proponent, cunforma a sa die, unas cantas tipologias de tratamentos rilassantes: massàgiu sonoru cun campanas armònicas e tibetanas, diàpason e àteros istrumentos musicales acordados a sas frecuèntzias musicales; riflessologia plantare; shiatzu; massàgiu de sa cara; istimolatziones pertzetivas cun ògios essentziales e prantas aromàticas.
«Pro cumpletare custa esperièntzia – annanghent sos de “Riposino” – amus a ofèrrere a sos òspites nostros una tisana, una mela e mùsica rilassante a 432 hz». Su servìtziu est ativu cada die dae sas 10 de mangianu a sas 6 de sero e sas postatziones si podent prenotare dae su situ internet issoro. «Est un’ambiente detox – serrant – in ue s’utente si nch’at a pòdere apartare un’iscuta dae su mundu esternu». E, a manera òvia, cun su telefoneddu postu in modalidade aèreu. Pasade·bos! Pasemus·nos!
Est de giudu, duncas, a agatare momentos de pasu finamentas in antis chi su sole si nche ghetet. In Casteddu ant tentu un’idea pro chi custa netzessidade non si brighet cun su traballu e sos àteros impignos. “Riposino”, in su Jester club de carrera de Roma 257, est unu logu in ue si podent agatare 30 minutos pro los colare cun massàgios, assussegu e pasu. «Pro totu su mese de idas – narant sos animadores de custa initziativa – bos ais a pòdere torrare a carrigare durante sas dies de traballu sas prus intensas, in su momentu de su pràngiu o durante sas còmporas natalìtzias».
Cale est sa proposta de “Riposino”? «Tenimus tres postatziones (base, medium e premium) pro chi s’utente si nch’imbergat in unu pasu chi lu torret a nou in intro de un’ambiente saludadosu cun ischermos a Led chi projetant iscenàrios naturalìsticos». In intro b’agatamus chimbe massagiadores, a disponimentu de sos òspites, chi proponent, cunforma a sa die, unas cantas tipologias de tratamentos rilassantes: massàgiu sonoru cun campanas armònicas e tibetanas, diàpason e àteros istrumentos musicales acordados a sas frecuèntzias musicales; riflessologia plantare; shiatzu; massàgiu de sa cara; istimolatziones pertzetivas cun ògios essentziales e prantas aromàticas.
«Pro cumpletare custa esperièntzia – annanghent sos de “Riposino” – amus a ofèrrere a sos òspites nostros una tisana, una mela e mùsica rilassante a 432 hz». Su servìtziu est ativu cada die dae sas 10 de mangianu a sas 6 de sero e sas postatziones si podent prenotare dae su situ internet issoro. «Est un’ambiente detox – serrant – in ue s’utente si nch’at a pòdere apartare un’iscuta dae su mundu esternu». E, a manera òvia, cun su telefoneddu postu in modalidade aèreu. Pasade·bos! Pasemus·nos!
