La Nuova Sardegna

«Amicas e amicos caros, salude e bida a tottus bois!

Soe meda dispiàchiu de no essere a ghettu de bènnere a Nùgoro cust’annu pro sa festa de su Premiu de litteratura in limba sarda intitulau a Grassia e’ Ledda. Sa chistione est chi orammai soe mannittu: appenas 96 annos fattos carchi chida fachet. E non bastande juco carchi atzaccheddu a sos ocros, a sas uricras e a sas ancas... ». Ironico e autoironico, come solo il professor Massimo Pittau (nella foto) sa essere. Non potendo presenziare all’evento, ha mandato un messaggio. In sardo, naturalmente. «Insuma soe oramai, comente si nabat una borta, unu “betzu crauddu” o puru “betzu predale”, gai chi juco nessi unu pede intro ’e sa fossa. Peroe no appo presse de che l’intrare... E si bos càpitat de m’addoppare, pro piachere non mi nezas “A chent’annos!” ca si nono bos rispondo comente rispondìat su nugoresu anticu: “E si sos annos sun de prus, dae sas costas ti ch’essin!”. De su restu tiro addaennantis, travallande comente cando fippo prus zovanu e iscrivende galu articulos e peri libros supra sa nostra bella limba sarda. Peri cust’annu soe cuntentu de aer cunstatau sa partetzipassione de un nùmeru discretu de poetes e de iscrittores de cal’ala de Sardinza, e peri custa borta soe cuntentu de su livellu artu o a assu mancu discretu de sos cumponimentos presentaos. Custos duos fattos nos assicuran chi su Premiu imbentau e direttu dae s’amicu Antoni Rojch at a andare addaennatis in su tempu benidore. Agùrios a sos poetes e iscrittores chi an bintu su premiu e agùrios a cussos chi an solu partetzipau, agùrios a sos amicos de sa zurìa e peri a tottus sos amicos e sas amicas presentes a sa festa de oje! A nos bìere annobas chin salude». Firmato: Màssimu Pittau, nugoresu.