Faeddos de moda: “gluten free” pro nàrrere “sena glùtine”
—GLUTEN FREE. Dae su latinu «gluten -inis», chi cheriat nàrrere “colla”, tenimus su cultismu sientìficu “glùtine”, chi est una “mescra protèica colloidale, viscosa e elàstica, mescamente cun gliadina...
1 MINUTI DI LETTURA
—GLUTEN FREE. Dae su latinu «gluten -inis», chi cheriat nàrrere “colla”, tenimus su cultismu sientìficu “glùtine”, chi est una “mescra protèica colloidale, viscosa e elàstica, mescamente cun gliadina e glutenina, formada cun s’impastòngiu de farina de trigu (o àteru) cun abba”: B’at pessones, sos tzelìacos, chi, cando màndigant alimentos chi lu cuntenent, tenent disturbos graes. Pro los agiuare, ant ammaniadu màndigos de cada casta “sena glùtine”, italianu “senza glutine”, frantzesu “sans gluten”, ispagnolu “sin gluten”, catalanu “sense gluten”, portughesu “sem glutén”, etc. In inglesu est “gluten free”! Ma bisòngiu b’at de lu pònnere in inglesu, in sos mèdios de informatzione e in sas apotecarias? Nono, perunu bisòngiu!
—JUNIOR PARTNER. Non diat èssere prus craru a nàrrere/iscrìere “sòtziu/collega giòvanu” e in italianu “socio/collega giovane” pro inditare chie tenet prus pagu responsabilidade e arriscu in un’impresa, a cunfrontu cun unu “sòtziu/collega antzianu”? (d.c.)
—JUNIOR PARTNER. Non diat èssere prus craru a nàrrere/iscrìere “sòtziu/collega giòvanu” e in italianu “socio/collega giovane” pro inditare chie tenet prus pagu responsabilidade e arriscu in un’impresa, a cunfrontu cun unu “sòtziu/collega antzianu”? (d.c.)
Non lasciare decidere l'algoritmo:
scegli La Nuova Sardegna per le tue notizie su Google
