contos e paristòrias
In s’iscola de su cuile: a mossa de cane, pilu de cane
de TONINO BUSSU
Frantziscu fiat in su pinnetu e aiat mandadu su fìgiu a nche furriare sas berbeches
2 MINUTI DI LETTURA
Fiat un atonzu bellu, sas berbeches lùchidas, calicuna giai angiande, sos pastores affariaos in medas fainas, puru sos pitzinnos azudaiant a pastoricare sa roba.
E gai Frantziscu, pastore mannu e capassu, fiat in su pinnettu e aiat mandadu su fìgiu, Zosepe, a che furriare sas berbeches ca si nono si che brincaiant a sa pastura anzena.
Zusepe est andadu currende, ma, cumente che las fiat furriande, su cane de su lacanàrgiu l’est crompiu e l’at ghettau una mossa a sas nàdicas.
Su pitzinnu at comintzau a abochinare pro su dolore; su babu est derettu atobiau currende e, pro li pònnere corazu,l’at cunfortau nàndeli chi sa mossa no l’aiat fatu belle nudda.
E difatis fiat paca cosa e su prus chi l’aiat iffreuradu fiat s’assustu.
Tando su babu l’at nau: - Cal’est su cane chi t’at mossicau? Fachemilu bìere-
E su pitzinnu li at mustradu. Fiat unu bonu cane, murrinieddu. Frantziscu lu connoschiat bene ca cun su lacanàrgiu trattaiant e si bidiant cada die.
Difatis cando s’est acurtziau a su cane custu at fattu de coa pro li nàrrere chi fiant amicos.
Frantziscu at picau puru a Zosepe e su cane, cando a bidu a custu fiat gai, no ischiat ite facher, ma, si cumente fiat paris cun su pastore chi connoschiat, non l’at fatu nudda.
Zuseppe imbetzes si tremiat canna canna, s’amentaiat galu sa mossa a sas nàdicas chi li fiat dolende, e no acurtziaiat a su cane.
-Beni a noche, acùrtzia!- l’at naradu su babu - Cola e toca su cane, carìnnalu e gai non t’at a mossicare prus e tue no l’as a times cando lu bies. Goi est cumente a pònnere sas paches tra tue e su cane.-
Zosepe time time at comintzau a carinnare su cane chi su babu manteniat e pianu a pianu no l’at tìmiu prus.
Tando Frantziscu at tiradu sa lesorza, at secau unu pacu ‘e pilu de su cane e est andau car’a su pinnettu cun Zosepe.
Inintro at postu su pilu in d-unu cantu de teula e l’at brusiadu cun sa brasia de su fogu.
Tando at picadu sa chisina e l’at colada in sas nàdicas de su pitzinnu, in su tretu in ue bi fiant sas fertas.
A Zusepe a sa prima l’est dorthiu, li frighiat sa ferta, ma in su ziru ‘e pacu tempus che l’est passadu totu.
E dae tando no at tìmiu prus sos canes, ma est istadu prus atentu a no los intzighidare.
-A mossa ‘e cane, pilu ‘e cane!- l’at naradu su babbu e gai su pitzinnu at cumpresu su manizu chi si fachiat cando capitaiant custas cosas. In s’iscola de su cuile, sa die, Zosepe, aiat imparadu una letzione de vida manna meda chi, de securu, non si che diat àere irmenticadu mai.
E gai Frantziscu, pastore mannu e capassu, fiat in su pinnettu e aiat mandadu su fìgiu, Zosepe, a che furriare sas berbeches ca si nono si che brincaiant a sa pastura anzena.
Zusepe est andadu currende, ma, cumente che las fiat furriande, su cane de su lacanàrgiu l’est crompiu e l’at ghettau una mossa a sas nàdicas.
Su pitzinnu at comintzau a abochinare pro su dolore; su babu est derettu atobiau currende e, pro li pònnere corazu,l’at cunfortau nàndeli chi sa mossa no l’aiat fatu belle nudda.
E difatis fiat paca cosa e su prus chi l’aiat iffreuradu fiat s’assustu.
Tando su babu l’at nau: - Cal’est su cane chi t’at mossicau? Fachemilu bìere-
E su pitzinnu li at mustradu. Fiat unu bonu cane, murrinieddu. Frantziscu lu connoschiat bene ca cun su lacanàrgiu trattaiant e si bidiant cada die.
Difatis cando s’est acurtziau a su cane custu at fattu de coa pro li nàrrere chi fiant amicos.
Frantziscu at picau puru a Zosepe e su cane, cando a bidu a custu fiat gai, no ischiat ite facher, ma, si cumente fiat paris cun su pastore chi connoschiat, non l’at fatu nudda.
Zuseppe imbetzes si tremiat canna canna, s’amentaiat galu sa mossa a sas nàdicas chi li fiat dolende, e no acurtziaiat a su cane.
-Beni a noche, acùrtzia!- l’at naradu su babu - Cola e toca su cane, carìnnalu e gai non t’at a mossicare prus e tue no l’as a times cando lu bies. Goi est cumente a pònnere sas paches tra tue e su cane.-
Zosepe time time at comintzau a carinnare su cane chi su babu manteniat e pianu a pianu no l’at tìmiu prus.
Tando Frantziscu at tiradu sa lesorza, at secau unu pacu ‘e pilu de su cane e est andau car’a su pinnettu cun Zosepe.
Inintro at postu su pilu in d-unu cantu de teula e l’at brusiadu cun sa brasia de su fogu.
Tando at picadu sa chisina e l’at colada in sas nàdicas de su pitzinnu, in su tretu in ue bi fiant sas fertas.
A Zusepe a sa prima l’est dorthiu, li frighiat sa ferta, ma in su ziru ‘e pacu tempus che l’est passadu totu.
E dae tando no at tìmiu prus sos canes, ma est istadu prus atentu a no los intzighidare.
-A mossa ‘e cane, pilu ‘e cane!- l’at naradu su babbu e gai su pitzinnu at cumpresu su manizu chi si fachiat cando capitaiant custas cosas. In s’iscola de su cuile, sa die, Zosepe, aiat imparadu una letzione de vida manna meda chi, de securu, non si che diat àere irmenticadu mai.
Non lasciare decidere l'algoritmo:
scegli La Nuova Sardegna per le tue notizie su Google
