Nùmenes: dae Albinu a Peppeddu
ALBINU: dae s’agetivu lat. “albinus” (dae “albus”), “biancu de pilos o de carre”. Sa festa est sa prima die de martzu, in onore de Santu Albinu, pìscamu de Angers, in Frantza, in su sèculu 6. B’at...
1 MINUTI DI LETTURA
ALBINU: dae s’agetivu lat. “albinus” (dae “albus”), “biancu de pilos o de carre”. Sa festa est sa prima die de martzu, in onore de Santu Albinu, pìscamu de Angers, in Frantza, in su sèculu 6. B’at finas una Santa Albina vìrghine, martirizada in Fòrmia, a s’època de s’imperadore Dètziu, festada su 16 de nadale. COSTANTINU, GANTINE, COSTANTE: dae su latinu “constare” “èssere firmu, forte”. Sa festa est su 11 de martzu, in onore de Santu Costantinu, re de Cornovàglia in su sèculu 6, martirizadu dae sos paganos. BERNARDU: dae su germànicu “bero”, “ursu”, e “hard(h)u”, “forte”. Sa festa est su 12 de martzu, in onore de Santu Bernardu (sèculu 11), pìscamu e cunfessore de Càpua. LEONE: dae su latinu “leonem”, “leone”. Sa festa est su 14 de martzu, in onore de Santu Leone, pìscamu e màrtire in Roma. ZOSEPE, PEDDEDDU, PEPE, PEPEDDU, PIPINU: dae s’ebraicu “Yoseph”, dae su verbu “yasaph”, “agiùnghere”, duncas “chi Deus crescat (sa famìlia)” . Si festat su 19 de martzu, in onore de Santu Giosepe, maridu de Maria, mama de Gesùs. (d.c.)
Non lasciare decidere l'algoritmo:
scegli La Nuova Sardegna per le tue notizie su Google
