Jubanne Piga contat “Sa vida cuada”
Bartolu, cojuadu e babbu de famìlia, devet tzucare a s’ospidale de Roma a acumpangiare a Mateu, su frade malàidu. Unu viàgiu de isperu, in chirca de sanare unu coro difetosu. Ma su destinu, a bias,...
1 MINUTI DI LETTURA
Bartolu, cojuadu e babbu de famìlia, devet tzucare a s’ospidale de Roma a acumpangiare a Mateu, su frade malàidu. Unu viàgiu de isperu, in chirca de sanare unu coro difetosu. Ma su destinu, a bias, giogat brullas befulanas. Est custu su contu chi contat Jubanne Piga (in su retratu) in su romanzu “Sa vida cuada”, Prèmiu Casteddu de sa Fae 2015, publicadu dae Papiros de Nùgoro (“Sos chercos - Iscritores de Sardigna”, 192 pàginas, 12 èuros). Unu romanzu, custu de Piga (poeta e autore de òperas de prosa connotu in totu sa Sardigna), chi cumintzas in su 1984 e agabbat in su 2006: bintiduos annos de amore e de bisos, ma finas de contos mai contados e de veridades mai naradas, de babbos e de mamas, de fìgios e de figìas. Famìlias a craru e famìlias mustrencas. (l.p.)
