Sa berbeghe sarda antiga
Cando fintzas sas feminas giughiant sos corros
Benit cunsiderada berbeghe sarda sa chi oe bidimus paschere in sos campos de Sardigna frutu de una seletzione durada deghènnios. Nointames custu in antighidade sa berbeghe fiat diferente e custu est...
1 MINUTI DI LETTURA
Benit cunsiderada berbeghe sarda sa chi oe bidimus paschere in sos campos de Sardigna frutu de una seletzione durada deghènnios. Nointames custu in antighidade sa berbeghe fiat diferente e custu est nòdidu cando bidimus sas fotografias de redes in biancu e nieddu de sos annos primàrgios de su noighentos, in ue sos pegos fiant prus pitzocos e fintzas sas feminas giughiant sos corros. Su de aere sos corros est sa diferèntzia prus manna chi at sa berbeghe antiga posta a pare cun sa moderna. De sa moderna sa berbeghe antiga aiat de su bator tres de pesu. S’antiga aiat origas prus pitzocas e produiat prus pagu late, totu a su prus unu litru e mesu, meda prus grassu, sa lana de su gunnare fiat prus lanastada e aiat una resistèntzia prus manna a sos erribios. De custas berbeghes antigas nd’arrumbant medas pagas e si podet narrere chi oe siant una ratza in perìgulu de estintzione. Una rede est custoida in su cantieri forestale de Agentzia Forestas de Tertenie in Ogiastra. Sos mascros de sa ratza antiga sunt meda chircados dae sos pastores ca garantint crusiende.si cun sas feminas unu tamanu prus pitzocu de sos angiones chi, cun sa seletzione, oe tendent semper a creschere de mannària. (salvatore bovore mele)
Non lasciare decidere l'algoritmo:
scegli La Nuova Sardegna per le tue notizie su Google
