In Sardigna e in Euskal Herria sa semèntzia de s’arte poètica
de Màuru Piredda
Su campionadu de sos bertsolaris ammentadu in Irgoli dae Brunu Agus Cada bator annos su torneu bascu “a bolu” sighidu dae mìgias de amantiosos
2 MINUTI DI LETTURA
IRGOLI. «A nd’amus istanote de armonias / a modulatzione de frecuèntzia / como chi bi l’ant dada sa licèntzia / a sos poetes de sa Baronia / ma si sa poesia est poesia / in cue puru nch’est ruta sa semèntzia». Chi sa poesia cantada fiat pighende su bolu, «dae sas terras de Mossa» conca a aterue, si nde fiat abbigiadu tziu Barore Sassu chi, pro custu motivu, dedicheit custos versos a Bernardu Zizi de Oniai, cando fiat galu «iscartzofa ‘e primu tàgliu».
E gianteris note, Zizi – 89 annos – at cantadu in sa pàtria noa de sa poesia improvisada, Irgoli, in pare cun sos de domo: Zosepe Porcu e Brunu Agus. Ma sa mirada, sos poetas de domo nostra, nche la sunt iscudende a un’àteru chirru.
«Improvisamus versos sena ingannu (gasi Agus in sa gara mentovada) / nen tropu astrintos e nen tropu lascos / ma pro sa poesia penso ocannu / chi festa manna li fetant sos bascos / est sa chi faghent cada bator annos / in ue cantant minores e mannos». E difatis ocannu, in Euskal Herria, 43 bertsolaris (custu su nùmene issoro) s’ant a disafiare in su de 17 campionados natzionales. Su Bertsolari txapelketa nagusia at a cumintzare su 23 de cabudanni e s’at a concrùere su 17 de nadale. S’editzione colada, sa de su 2013, l’at bìnchida Amets Arzallus cara a 15mìgia amantiosos presentes in su Bilbao Exhibition Centre (àteras mìgias de persones dae sa tv). Su proite custu fenòmenu est sighidu dae gente meda, mescamente giòvanos, est fàtzile a l’acrarire. S’amore chi tenent pro sa limba l’ant reconnotu finamentas sos sustenidores tataresos de sa Dinamo cando a sos giogadores de su Bilbao li deint su bene bènnidu in euskara (“Ongietorri”). E dae sa limba movet totu su restu. Grandu impèllida benit dae Bertsozale Elkartea, s’assòtziu de sos amigos de su bertsolarismu nàschidu in su 1986 (mancari cun un àteru nùmene) cun sa punna de aprontare sos campionados.
A pustis at cumintzadu a gestire unu tzentru de documentatzione, a coordinare su movimentu de trasmissione orale pro mèdiu de sas Bertso Eskolak, a produire su programma televisivu setimanale Hitzetik Hortzera. Su situ internet issoro (in euskara, inglesu, frantzesu e ispagnolu) est una sienda de informatziones in ue b’at finamentas un’archìviu de melodias cunforma a sos tràgios de sos poetas. Sos bertsolaris, a su nessi dae su 1980, cantant in euskara batua (sa Lsc issoro) e impreant sos ischemas mètricos de su zortziko txikia (minore) e de su zortziko handia (majore). Chie at a bìnchere ocannu? Pro seguru sa poesia.
E gianteris note, Zizi – 89 annos – at cantadu in sa pàtria noa de sa poesia improvisada, Irgoli, in pare cun sos de domo: Zosepe Porcu e Brunu Agus. Ma sa mirada, sos poetas de domo nostra, nche la sunt iscudende a un’àteru chirru.
«Improvisamus versos sena ingannu (gasi Agus in sa gara mentovada) / nen tropu astrintos e nen tropu lascos / ma pro sa poesia penso ocannu / chi festa manna li fetant sos bascos / est sa chi faghent cada bator annos / in ue cantant minores e mannos». E difatis ocannu, in Euskal Herria, 43 bertsolaris (custu su nùmene issoro) s’ant a disafiare in su de 17 campionados natzionales. Su Bertsolari txapelketa nagusia at a cumintzare su 23 de cabudanni e s’at a concrùere su 17 de nadale. S’editzione colada, sa de su 2013, l’at bìnchida Amets Arzallus cara a 15mìgia amantiosos presentes in su Bilbao Exhibition Centre (àteras mìgias de persones dae sa tv). Su proite custu fenòmenu est sighidu dae gente meda, mescamente giòvanos, est fàtzile a l’acrarire. S’amore chi tenent pro sa limba l’ant reconnotu finamentas sos sustenidores tataresos de sa Dinamo cando a sos giogadores de su Bilbao li deint su bene bènnidu in euskara (“Ongietorri”). E dae sa limba movet totu su restu. Grandu impèllida benit dae Bertsozale Elkartea, s’assòtziu de sos amigos de su bertsolarismu nàschidu in su 1986 (mancari cun un àteru nùmene) cun sa punna de aprontare sos campionados.
A pustis at cumintzadu a gestire unu tzentru de documentatzione, a coordinare su movimentu de trasmissione orale pro mèdiu de sas Bertso Eskolak, a produire su programma televisivu setimanale Hitzetik Hortzera. Su situ internet issoro (in euskara, inglesu, frantzesu e ispagnolu) est una sienda de informatziones in ue b’at finamentas un’archìviu de melodias cunforma a sos tràgios de sos poetas. Sos bertsolaris, a su nessi dae su 1980, cantant in euskara batua (sa Lsc issoro) e impreant sos ischemas mètricos de su zortziko txikia (minore) e de su zortziko handia (majore). Chie at a bìnchere ocannu? Pro seguru sa poesia.
Non lasciare decidere l'algoritmo:
scegli La Nuova Sardegna per le tue notizie su Google
