La Nuova Sardegna

Su parcu de su Gennargentu cumintzat cun sas Comunas

de Salvatore Bovore Mele
Su parcu de su Gennargentu cumintzat cun sas Comunas

Dae sa Provìntzia de Nùgoro a s’Ogiastra e Casteddu, dae Aritzo a Biddamanna Pro ponnere in motu, sa lege narat chi bi cheret s’Intesa Istadu e Regione

27 agosto 2017
2 MINUTI DI LETTURA





NÙGORO. Parcu natzionale de su Gennargentu: sa suspensione de sas normas de salvaguàrdia est istada disponnida cun sa Lege de su Presupostu (finantziaria) de su 2006, sa nùmeru 266 de su 2005.

Custa in su coma 573 istabilit chi sa salvaguàrdia, in su Parcu natzionale de su Gennargentu, istituidu cun decretu de su presidente de sa Repùblica de su 30 de martzu 1998, intrat in vigèntzia cun s’Intesa Istadu Regione chi partat sos fundos intre sas comunas de su parcu in manera proportzionale a sos tretos dados dae cada Comuna.

Sas Comunas matessi ant a seberare de intrare in su parcu cun su votu de su cossigiu comunale de adesione a s’Intesa. Sas Comunas de su parcu fiant elencadas in su D.P.R. numenadu e s’agataiant in sas tres provìntzias esistidas fintzas a freàrgiu de su 2016.

Pro sa Provìntzia de Nùgoro: Aritzo, Belvì, Desule, Fonne, Gavoi, Lodine, Meana, Ulìana, Ollollai, Ortzai, Orgòsolo, Ovodda, Sòrgono, Tiana e Tonara, pro sa Provìntza de s’Ogiastra: Àrtana, Baunei, Gairo, Seui, Talana, Orthullè, Biddamanna, pro sa Provìntzia de Casteddu Seulu. Como custas biddas faghent totu parte de sa Provìntzia istòrica de Nùgoro petzi Seui chi galu no at disinnadu a nue leare ma badde chi no at a istentare.

Gosi at a bennere rispetadu su printzìpiu chi su parcu cumintzet cun sas comunas chi narant ca eja a s’Intesa.

Tando pro ponnere in motu su motore de su parcu sa lege narat chi bi cheret s’Intesa Istadu e Regione e s’adesione de sas comunas interessadas fintzas cun discontinuidades territoriale chi in su 1998 non fiant tolleradas dae su ministèriu de su Mèdiu Ambiente.

Sas funtziones de presidente de su Parcu e de su cossigiu diretivu diant depere essere de su presidente de sa Regione, in collaboratzione cun sos sìndigos, in funtzione de unu tempus chi siat bastante pro sa fase de incumintzu e totu custu relatende·lu in s’Intesa.

S’àrea de su parcu est giai perimetrada e est giai partida in tretos A,B e C e est essida dae unu istùdiu de s’Universidade in su 1998 e est determinada dae su decretu e est disponìbile in sos ufìtzios de sa Provìntzia e de su ministèriu.

Issintiri sa lege 394 de su 1989 diat depere essere modificada dende prus podere a sas comunas.

Incarichi vacanti

Sanità nel baratro: nell’isola mancano 544 medici di famiglia

di Claudio Zoccheddu
Le nostre iniziative