Ite est sa “assimilatzione linguìstica”?
Ite est sa “assimilatzione linguìstica”? Est s’òpera de “fàghere sìmile” una comunidade chi faeddat sa “limba sua” a sa limba prus forte, dominante o majoritària, chi si manifestat in manera prus...
1 MINUTI DI LETTURA
Ite est sa “assimilatzione linguìstica”? Est s’òpera de “fàghere sìmile” una comunidade chi faeddat sa “limba sua” a sa limba prus forte, dominante o majoritària, chi si manifestat in manera prus dannàrgia in sos istados mannos chi tenent “minorias”. In pràtica, si tratat de “cambiare” sa limba “assugetada” cun un’àtera, comente est acuntèssidu e acuntesset cun sos colonialismos de cada logu e època, in manera “cuada” o “manifesta”, cun sas “bonas” o cun sas “malas”. Ma unu de sos perìgulos peus de custa assimilatzione, finas in Sardigna, est cando sunt sos esponentes culturales e polìticos de sa limba/natzione assugetada chi rinùntziant a faeddare e praticare sa “limba pròpia”, cun s’iscusa chi est unu elementu ‘divisivu’, chi s’italianu est prus dinàmicu e universale, chi su sardu est “firmu” e non tenet tèrmines astratos e modernos, chi pro sarvare s’identidade non b’at bisòngiu de limba sarda. S’assimilatzione linguìstica est s’anticàmera de s’assimilatzione natzionale, su resurtadu prus craru de sa globalizatzione “glotòfaga” e, oe, americanòfila, contra a sa diversidade culturale e linguìstica istabilida finas dae s’Onu. (d.c.)
Non lasciare decidere l'algoritmo:
scegli La Nuova Sardegna per le tue notizie su Google
