Cultismos, sos faeddos de sos ispetzialistas
Ite sunt sos “cultismos”? Sunt sos faeddos chi impreant sos ispetzialistas: mèigos, biòlogos, chìmicos, veterinàrios, agrònomos, avogados, ingenieris, professores, etc. cando devent espressare in...
1 MINUTI DI LETTURA
Ite sunt sos “cultismos”? Sunt sos faeddos chi impreant sos ispetzialistas: mèigos, biòlogos, chìmicos, veterinàrios, agrònomos, avogados, ingenieris, professores, etc. cando devent espressare in manera “sintètica” cuntzetos cumplessos chi totus, a su sòlitu, espressamus cun frases longas, in manera “analìtica”. E, duncas, “su cardiòlogu” pro su “mèigu de su coro”; “s’otorinolaringoiatra” pro su “mèigu de sas origras, nasu e gula”, etc.
Est naturale chi una limba, in antis de sa rivolutzione sientìfica, teniat prus nùmenes, ponimus, pro sas partes de sas bèstias chi mandigamus chi non pro su corpus umanu. Imbetzes, sa sièntzia de oe, chi setzionat finas sas partes prus minudas de cada cosa, tenet bisòngiu de “nùmenes noos” (neologismos) pro descrìere totu “in fine”. In totu sas limbas, adatant faeddos dae su latinu e gregu o dae àteras limbas, e las impreant cunforma a s’ocasione e a s’ispetzialidade. Duncas, in sardu, tenimus faeddos “patrimoniales” comente “fìgadu”, “isprene”, “istentina”, ma finas “cultismos” comente “colon”, o “pàncreas” ca “carrisàbida” inditat sa parte “edìbile” de sa bèstia. (d.c.)
Est naturale chi una limba, in antis de sa rivolutzione sientìfica, teniat prus nùmenes, ponimus, pro sas partes de sas bèstias chi mandigamus chi non pro su corpus umanu. Imbetzes, sa sièntzia de oe, chi setzionat finas sas partes prus minudas de cada cosa, tenet bisòngiu de “nùmenes noos” (neologismos) pro descrìere totu “in fine”. In totu sas limbas, adatant faeddos dae su latinu e gregu o dae àteras limbas, e las impreant cunforma a s’ocasione e a s’ispetzialidade. Duncas, in sardu, tenimus faeddos “patrimoniales” comente “fìgadu”, “isprene”, “istentina”, ma finas “cultismos” comente “colon”, o “pàncreas” ca “carrisàbida” inditat sa parte “edìbile” de sa bèstia. (d.c.)
Non lasciare decidere l'algoritmo:
scegli La Nuova Sardegna per le tue notizie su Google
