S’iscuadra tataresa de Otorinu gherrat contra a sos tumores
de Tonino Bussu
Franchiscu Bussu, 43 annos, est su diretore nou de sa clìnica de s’Univesidade Esperièntzia in Roma e finas in Corea: «Ma inoghe b’at professionalidades vàlidas»
2 MINUTI DI LETTURA
TÀTARI. Professor Franchiscu Bussu, 43 annos, bi tenet meda a sas raighinas suas de Ollollai (su babbu est ollollaesu, sa mama de su de Aristanis), e a sa formatzione mèdica e culturale romana; giòvanu, ispabillu, àbile, est su diretore nou de sa Clìnica de Otorinolaringoiatria de s’Universidade de Tàtari, a pustis de una esperièntzia de importu in s’ospidale Gemelli de Roma e cun una carriera mèdica de vàllia cun ispetzializatziones in otorinolaringoiatria oncològica in Itàlia, in Frantza, Germània e in sos Istados Unidos, lassende rastos mannos cun istùdios, chircas e publicatziones sientìficas suas chi ant tentu reconnoschimentos de importu dae organismos istitutzionales pùblicos e privados.
At istudiadu a fundu su virus Hpv de su tumore conca-tzugru in sa realidade italiana e europea e dae pagos annos insinnat in cursos de chirurgia robòtica in Corea.
Ite ti propones, Franchi’, pro megiorare s’atividade de sa clìnica tataresa?
«Depimus propònnere a sa gente unu servìtziu de calidade. Inoghe tenimus un’istruttura cun pessones e professionalidades vàlidas, chi podent dare meda de prus a su tzitadinu pro garantire livellos de sos mègius, mescamente pro gherrare contra a sos tumores chi sunt de cumpetèntzia nostra».
Tenende in contu su valore mannu de su currìculum tuo, cale est su raportu intre s’atividade ambulatoriale, de repartu e de sala e sa de s’Universidade de Tàtari?
«Sa sorte mea est chi apo agatadu in Tàtari pessones preparadas a beru e disponìbiles a traballare in equipe, ca a sa sola podimus fàghere petzi dannu; pro fraigare, pro crèschere, bisongiat de fàghere iscuadra: custa est sa filosofia pro dare a su patziente su mègius servìtziu possìbile».
Totu custas cumpetèntzias tuas mannas e galanas, podent èssere impreadas in s’atividade tua in Sardigna o ti cramant finas dae foras de s’ìsula?
«Sa cuntentesa mea est, pro prima cosa, de pònnere a disponimentu de sa gente sarda sas cumpetènzias meas, e lu soe faghende cun grandu piaghere; ma, giai in custos primos meses, sunt bènnidos finas unos cantos patzientes dae Roma a si fàghere operare».
Ma beru est chi ses su primu in Itàlia chi at curadu sa paràlisi totale de su nèrviu de sa cara?
«Est pròpiu beru – sa tècnica l’apo imparada in Normandia (Frantza)– e como àteros meda in Itàlia la sunt adotende, sighende s’esperièntzia mea».
At istudiadu a fundu su virus Hpv de su tumore conca-tzugru in sa realidade italiana e europea e dae pagos annos insinnat in cursos de chirurgia robòtica in Corea.
Ite ti propones, Franchi’, pro megiorare s’atividade de sa clìnica tataresa?
«Depimus propònnere a sa gente unu servìtziu de calidade. Inoghe tenimus un’istruttura cun pessones e professionalidades vàlidas, chi podent dare meda de prus a su tzitadinu pro garantire livellos de sos mègius, mescamente pro gherrare contra a sos tumores chi sunt de cumpetèntzia nostra».
Tenende in contu su valore mannu de su currìculum tuo, cale est su raportu intre s’atividade ambulatoriale, de repartu e de sala e sa de s’Universidade de Tàtari?
«Sa sorte mea est chi apo agatadu in Tàtari pessones preparadas a beru e disponìbiles a traballare in equipe, ca a sa sola podimus fàghere petzi dannu; pro fraigare, pro crèschere, bisongiat de fàghere iscuadra: custa est sa filosofia pro dare a su patziente su mègius servìtziu possìbile».
Totu custas cumpetèntzias tuas mannas e galanas, podent èssere impreadas in s’atividade tua in Sardigna o ti cramant finas dae foras de s’ìsula?
«Sa cuntentesa mea est, pro prima cosa, de pònnere a disponimentu de sa gente sarda sas cumpetènzias meas, e lu soe faghende cun grandu piaghere; ma, giai in custos primos meses, sunt bènnidos finas unos cantos patzientes dae Roma a si fàghere operare».
Ma beru est chi ses su primu in Itàlia chi at curadu sa paràlisi totale de su nèrviu de sa cara?
«Est pròpiu beru – sa tècnica l’apo imparada in Normandia (Frantza)– e como àteros meda in Itàlia la sunt adotende, sighende s’esperièntzia mea».
Non lasciare decidere l'algoritmo:
scegli La Nuova Sardegna per le tue notizie su Google
