Pregontas e rispostas: ite est sa glotofagia?
Ite est sa «glotofagia»? Est cando una limba si nche nde “màndigat” àteras. Tèrmine imbentadu dae Louis-Jean Calvet in su libru “Linguistique et colonialisme, petit traité de glottophagie”, publicadu...
1 MINUTI DI LETTURA
Ite est sa «glotofagia»? Est cando una limba si nche nde “màndigat” àteras. Tèrmine imbentadu dae Louis-Jean Calvet in su libru “Linguistique et colonialisme, petit traité de glottophagie”, publicadu in su 1974, mustrat chi sa debilesa o sa fortza de sas limbas est ligada a su podere coloniare de un’istadu istràngiu chi imponet sa manera sua de istare, mandigare, bestire, pessare, faeddare, etc. a chie tenet giai un’àtera limba. Calvet narat chi sos colonizadores santìficant sa limba pròpia, cunsiderada sa “mègius”, minispretziende sa limba colonizada, finas a si nche la “mandigare”. Su faeddu benit dae su gregu «glôtta» (=limba) e «-phagia» (=màndigu). B’at una manera “crara” de “mandigare” limbas, comente cando, in su 1764, ant impostu in Sardigna s’italianu in càmbiu de s’ispagnolu. O una manera “cuada”, reconnoschende formalmente sa limba dominada, ma dende petzi a sa limba dominadora totu su podere e su dinare pro s’afortire e si perpetuare in s’amministratzione, sa ràdiu-tv, s’iscola, sa sanidade, s’economia, etc., “impresonende” sa limba dominada in su mundu de sos sentimentos e de su folclore. (d.c.)
Non lasciare decidere l'algoritmo:
scegli La Nuova Sardegna per le tue notizie su Google
