Sas gherras de sos preìderos pro sa Missa in friulanu e sardu
de Diegu Corràine
Dae sa comunidade grica de su Salento a s’arbereshe de Calàbria e a Sardigna Christian Romamini faeddat de su documentàriu de Massimo Garlatti-Costa
2 MINUTI DI LETTURA
NÙGORO. Est sighende su viàgiu de “Missus”, su documentàriu de Massimo Garlatti-Costa (www.missusfilm.com) chi in 70 minutos contat sas gherras de sos preìderos de Glesie Furlane (www.glesiefurlane.org) pro sa Missa in friulanu: dae sa comunidade grica de su Salento a s’arbereshe de Calàbria e Sitzìlia, a sa francuproventzale de Pùglia, finas a sos ladinos de Trento e Badde de Fassa e tedescos de su Tirolu meridionale, a sos otzitanos de Piemonte, a sos islovenos de Friuli VG e a Sardigna. Nde faeddamus cun Christian Romamini, segretàriu de Glesie Furlane (Crèsia Friulana):
Cando naschet Glesie Furlane?
«Pustis de su Cuntzìliu Vaticanu II, in su 1974, cando unos cantos preìderos pedint a su pìscamu sa missa in friulanu e issu la negat: pro protestare, issos lassant in s’artare de sa crèsia in ue si fiant adoviados unu cummentu a s’Evangèliu chi faeddat de su “pastore bonu chi connoschet sa boghe de sas berbeghes suas”, narende 40 annos in antis su chi est narende oe Papa Frantziscu».
Pro ite su regista l’at intituladu Missus?
«Pro ammentare su nùmene friulanu de sa novina de Nadale, cando cantamus sos faeddos Missus est angelus Gabriel a Deo de s’Ànghelu a Maria (Lc 1,26-38)».
Cale est sa punna de Missus?
«Sa de contare s’esperièntzia de Glesie Furlane (como formada finas dae làicos) pro ischidare sas cussèntzias de sos Friulanos e de àteras comunidades ètnicas e linguìsticas».
Ite at otentu Glesie Furlane?
«Sa tradutzione in friulanu de sa Bìblia, de su Letzionàriu festivu, de su Missale Romanu – presentadu in Vaticanu in su 2006 ma no autorizadu galu! – e su recùperu de su patrimòniu musicale litùrgicu de sa traditzione de su Patriarcadu de Aquileia».
Comente est sa salude de su friulanu in sa Crèsia?
«Mi paret chi in sa Gerarchia eclesiàstica siat bajuladu... Francu carchi càntigu e carchi faeddu in s’omelia, s’italianu cumandat! Ma sos prides de Glesie Furlane l’impreant in manera normale, semper».
Impreades sos limbàgios locales o sa Norma istandard?
«In sos testos sagrados rispetant sa Norma ufitziale de lege, faeddende impreant sos limbàgios locales. S’istandard non minetzat sos dialetos ma nd’est sa garantzia».
Pro s’ufitzialidade de su friulanu in Crèsia chie disponet?
«In antis tocaiat a su Vaticanu, ma dae su 1 de santugaine de ocannu est in vigore sa lìtera apostòlica Magnum principium de Papa Frantziscu, chi dat podere a sas Cunferèntzias episcopales. Isperemus chi, gosi, arribbemus luego a s’aprovatzione ufitziale de sa Missa in limbas comente su friulanu e su sardu».
Cando naschet Glesie Furlane?
«Pustis de su Cuntzìliu Vaticanu II, in su 1974, cando unos cantos preìderos pedint a su pìscamu sa missa in friulanu e issu la negat: pro protestare, issos lassant in s’artare de sa crèsia in ue si fiant adoviados unu cummentu a s’Evangèliu chi faeddat de su “pastore bonu chi connoschet sa boghe de sas berbeghes suas”, narende 40 annos in antis su chi est narende oe Papa Frantziscu».
Pro ite su regista l’at intituladu Missus?
«Pro ammentare su nùmene friulanu de sa novina de Nadale, cando cantamus sos faeddos Missus est angelus Gabriel a Deo de s’Ànghelu a Maria (Lc 1,26-38)».
Cale est sa punna de Missus?
«Sa de contare s’esperièntzia de Glesie Furlane (como formada finas dae làicos) pro ischidare sas cussèntzias de sos Friulanos e de àteras comunidades ètnicas e linguìsticas».
Ite at otentu Glesie Furlane?
«Sa tradutzione in friulanu de sa Bìblia, de su Letzionàriu festivu, de su Missale Romanu – presentadu in Vaticanu in su 2006 ma no autorizadu galu! – e su recùperu de su patrimòniu musicale litùrgicu de sa traditzione de su Patriarcadu de Aquileia».
Comente est sa salude de su friulanu in sa Crèsia?
«Mi paret chi in sa Gerarchia eclesiàstica siat bajuladu... Francu carchi càntigu e carchi faeddu in s’omelia, s’italianu cumandat! Ma sos prides de Glesie Furlane l’impreant in manera normale, semper».
Impreades sos limbàgios locales o sa Norma istandard?
«In sos testos sagrados rispetant sa Norma ufitziale de lege, faeddende impreant sos limbàgios locales. S’istandard non minetzat sos dialetos ma nd’est sa garantzia».
Pro s’ufitzialidade de su friulanu in Crèsia chie disponet?
«In antis tocaiat a su Vaticanu, ma dae su 1 de santugaine de ocannu est in vigore sa lìtera apostòlica Magnum principium de Papa Frantziscu, chi dat podere a sas Cunferèntzias episcopales. Isperemus chi, gosi, arribbemus luego a s’aprovatzione ufitziale de sa Missa in limbas comente su friulanu e su sardu».
Non lasciare decidere l'algoritmo:
scegli La Nuova Sardegna per le tue notizie su Google
