Calcio Serie A
S’archeòlogia cun sos drones chirchende gigantes interrados
de Tonino Bussu
Ettore Tronci, geòmetra de Tuili, riprendet sos nuraghes dae artos chelos «In duos annos de abbisitas in sos logos nostros nde apo bistu nessi una setantina»
10 dicembre 2017
2 MINUTI DI LETTURA
TUILI. Ettore Tronci, geòmetra de Tuili, Marmidda, una passione manna pro totu sos temas chi pertocant sa Sardigna e mescamente pro sa fotografia e s’archeòlogia, e gratzias a custos interessos, l’est capitau de atopare a s’istudiosu e giornalista Sergio Frau, mentres fit abisitende su nuraghe Bruncu sa Figu, in sas campagnas de Pauli Arbarei. De Sergio connoschiat giai s’òpera “Le colonne d’Ercole, un’inchiesta” e deretu est naschia un’istima de s’unu cun s’àteru e un’amistade. E est dae tando chi at comintzau a esplorare sos nuraghes de su Campidanu chi connoschiat e sos chi l’aiant signaladu sos amigos.
Comente as comintzadu a riprendere sos nuraghes?
«Cando Sergio at bistu chi connoschio a fundu sos logos nostros m’at propostu de riprèndere cun unu pallone aerostàticu atacandeli una machina fotografica pro rilevare sos sitos chi abisitaiamus. E est bènnidu una travallu ispantosu chi m’est costadu un’iforzu mannu».
E a pustis cumente azis sighidu su travallu?
«Tando amus comporau unu drone pro chircare sas proas de sa presentzia in su Campidanu de s’Unda Manna, zitada in su lìberu suo. E a pustis de tempus, de sudores e de impignos pesantes sas proas sunt issidas a campu. Mi soe, difatis, resu contu in pacu tempus chi sunt sas primas e sas urtimas oras de sa die chi, cun sas umbras chi proietant, dant sa dimensione de s’artària de sos monumentos».
Cando ti rendias contu de totu custu?
«Paris chi ipo in domo iscarrigaio sas ripresas: fiant un’incantu! Cada borta mi maraizaio de sas fotografias: non pariat beru cando las faghio bìere e las cundividio cun sos amigos appassionados de custos temas! Est tando mi che irmenticaia de totu sas dificultades pro ch’arribare a cussos logos ca medas bortas bi fit su trigu artu serente a sas partes de sas turres de sos nuraghes, custos gigantes belle de su totu interrados bivos suta su ludu, oramai dae seculos».
Cantos nuraghes ch’as abbisitau tue, Ettore?
«Interrogande antzianos e bidende mapas, in duos annos de abbisitas in sos logos nostros nde apo bistu nessi una setantina. Los podies consultare in su situ www.colonnedercole.info e s’unidade de misura est s’auto bianca mea. Medas fotos sunt puru in s’urtima òpera de Sergio Frau “Omphalos. Il primo centro del mondo”. Gai podies cumprendere sa mannesa de custos nuraghes chi in una note s’Unda Manna de su mare at cuguzadu. E sunt totus de iscavare che a su Nuraxi de Barumini chi prima issu puru fiat cugugiadu dae su ludu e pastinau a fava».
Comente as comintzadu a riprendere sos nuraghes?
«Cando Sergio at bistu chi connoschio a fundu sos logos nostros m’at propostu de riprèndere cun unu pallone aerostàticu atacandeli una machina fotografica pro rilevare sos sitos chi abisitaiamus. E est bènnidu una travallu ispantosu chi m’est costadu un’iforzu mannu».
E a pustis cumente azis sighidu su travallu?
«Tando amus comporau unu drone pro chircare sas proas de sa presentzia in su Campidanu de s’Unda Manna, zitada in su lìberu suo. E a pustis de tempus, de sudores e de impignos pesantes sas proas sunt issidas a campu. Mi soe, difatis, resu contu in pacu tempus chi sunt sas primas e sas urtimas oras de sa die chi, cun sas umbras chi proietant, dant sa dimensione de s’artària de sos monumentos».
Cando ti rendias contu de totu custu?
«Paris chi ipo in domo iscarrigaio sas ripresas: fiant un’incantu! Cada borta mi maraizaio de sas fotografias: non pariat beru cando las faghio bìere e las cundividio cun sos amigos appassionados de custos temas! Est tando mi che irmenticaia de totu sas dificultades pro ch’arribare a cussos logos ca medas bortas bi fit su trigu artu serente a sas partes de sas turres de sos nuraghes, custos gigantes belle de su totu interrados bivos suta su ludu, oramai dae seculos».
Cantos nuraghes ch’as abbisitau tue, Ettore?
«Interrogande antzianos e bidende mapas, in duos annos de abbisitas in sos logos nostros nde apo bistu nessi una setantina. Los podies consultare in su situ www.colonnedercole.info e s’unidade de misura est s’auto bianca mea. Medas fotos sunt puru in s’urtima òpera de Sergio Frau “Omphalos. Il primo centro del mondo”. Gai podies cumprendere sa mannesa de custos nuraghes chi in una note s’Unda Manna de su mare at cuguzadu. E sunt totus de iscavare che a su Nuraxi de Barumini chi prima issu puru fiat cugugiadu dae su ludu e pastinau a fava».
