«S’istòria nostra de importu in sos museos diocesanos»
de Tonino Bussu
Batallas o personàgios bidos dae sa diretora de su Museu Arborense de Aristanis «Unu patrimòniu mannu de fàghere connòschere a sos sardos e a su mundu»
2 MINUTI DI LETTURA
ARISTANIS. Silvia Oppo, laurea in Architetura in sa Sapièntzia de Roma, diretora de su Museu Arborense de Aristanis, amaniat mustras, eventos pro mannos e minores, atopos, pienat sas salas de zente chi ammirat custu bellu logu càrrigu de cultura e de istòria sacra e pròfana antiga e moderna.
Intrande a su Museu incantat sa bella mustra de sa Sartìglia de Aristanis...
«Non podiat mancare ca est su sìmbulu de sa tzitade de Eleonora, sa giostra medievale prus agraida dae sa zente; totus sas pessones s’identìficant in su componidori chi curret a cavaddu e cun s’istocu infilat s’istella».
«Est unu signale de bonu augùriu chi s’annada andet bene, chi a pustis s’ierru arribet unu bonu beranu beneitu cun sa pipia ’e màju dae su componidori ’e totu».
«Sas pinturas chi riproduint totus sas fases de sa Sartiglia e alligrant su coro de sos abisitadores».
Chie est su pintore chi at fatu custos bellos cuadros?
«Màuru Ferreri, unu pintore chi oramai non b’est pius, ma fiat connotu in custa zona. Sa mustra de sos cuadros suos, intitulada “Arte, Fide e Sartiglia”, est abarrada aberta dae primos de Nadale de su 2017 finas a frebàrgiu de su 2018, est piàghida meda aberu a su pùblicu chi fiat incantadu dae sas pinturas».
Apo bistu cuadros de sa batalla de Uras de su 1470, una data istòrica chi medas sardos mancu connoschent?
«Cussos puru fiant commissionados a su pintore Màuru Ferreri dae s’amministratzione comunale de Uras tempus e tempus faghet pro sos istùdios preparatòrios pro sas vestimentas de corte, armas, coratzas e finimentos de s’edade giudicale. E como custos disignos sunt servidos e servint pro ammentare sa batalla famada de su 14 aprile de su 1470 chi b’est istada in Uras cun sa vitòria intre sas trupas de s’ùrtimu marchese de Aristanis Lenardu Alagon contr'a su visurei Nicolò Carroz».
Cun custos disignos, duncas, sa zente, si calat in mesu a s’istòria de su perìodu giudicale puru?
«Zertu, est unu bellu modu custu de fàghere connòschere mègius s’istòria nostra cun sas immagines, sas pinturas. Medas pessones arregordant mègius s’istòria bidende sas òperas de sos artistas chi ant illustradu sas batallas o sos personàgios de importu de s’istòria nostra».
Silvia Oppo at amaniadu medas àteros eventos comente s’aventura de Pinòcchiu pro sos pitzinnos o sa Pascha de Nadale cun s’arte de duas artistas sardas de valia: Maria Lai e Maria Crespellani.
Como ite ideas tenes?
«Cherio chi su patrimòniu mannu de sos museos diocesanos sardos esseret postu in “rete” pro lu fàghere connòschere a sos sardos e a totu su mundu».
Intrande a su Museu incantat sa bella mustra de sa Sartìglia de Aristanis...
«Non podiat mancare ca est su sìmbulu de sa tzitade de Eleonora, sa giostra medievale prus agraida dae sa zente; totus sas pessones s’identìficant in su componidori chi curret a cavaddu e cun s’istocu infilat s’istella».
«Est unu signale de bonu augùriu chi s’annada andet bene, chi a pustis s’ierru arribet unu bonu beranu beneitu cun sa pipia ’e màju dae su componidori ’e totu».
«Sas pinturas chi riproduint totus sas fases de sa Sartiglia e alligrant su coro de sos abisitadores».
Chie est su pintore chi at fatu custos bellos cuadros?
«Màuru Ferreri, unu pintore chi oramai non b’est pius, ma fiat connotu in custa zona. Sa mustra de sos cuadros suos, intitulada “Arte, Fide e Sartiglia”, est abarrada aberta dae primos de Nadale de su 2017 finas a frebàrgiu de su 2018, est piàghida meda aberu a su pùblicu chi fiat incantadu dae sas pinturas».
Apo bistu cuadros de sa batalla de Uras de su 1470, una data istòrica chi medas sardos mancu connoschent?
«Cussos puru fiant commissionados a su pintore Màuru Ferreri dae s’amministratzione comunale de Uras tempus e tempus faghet pro sos istùdios preparatòrios pro sas vestimentas de corte, armas, coratzas e finimentos de s’edade giudicale. E como custos disignos sunt servidos e servint pro ammentare sa batalla famada de su 14 aprile de su 1470 chi b’est istada in Uras cun sa vitòria intre sas trupas de s’ùrtimu marchese de Aristanis Lenardu Alagon contr'a su visurei Nicolò Carroz».
Cun custos disignos, duncas, sa zente, si calat in mesu a s’istòria de su perìodu giudicale puru?
«Zertu, est unu bellu modu custu de fàghere connòschere mègius s’istòria nostra cun sas immagines, sas pinturas. Medas pessones arregordant mègius s’istòria bidende sas òperas de sos artistas chi ant illustradu sas batallas o sos personàgios de importu de s’istòria nostra».
Silvia Oppo at amaniadu medas àteros eventos comente s’aventura de Pinòcchiu pro sos pitzinnos o sa Pascha de Nadale cun s’arte de duas artistas sardas de valia: Maria Lai e Maria Crespellani.
Como ite ideas tenes?
«Cherio chi su patrimòniu mannu de sos museos diocesanos sardos esseret postu in “rete” pro lu fàghere connòschere a sos sardos e a totu su mundu».
Non lasciare decidere l'algoritmo:
scegli La Nuova Sardegna per le tue notizie su Google
