A baranta annos dae sa lege 180 Pulino ammentat a Basàglia
de Juanna Frantzisca Orunesu
S’autore e chircadore tiesinu: «In antis de tando belle 100.000 internados» Su psichiatra rivolutzionàriu venetzianu in Tàtari in sos primos annos Setanta
2 MINUTI DI LETTURA
TÀTARI. Baranta annos a como (su 13 de maju) su parlamentu aprovaiat sa lege 180, mègius connota comente “Lege Basaglia”, pighende su sambenadu de su psichiatra rivolutzionàriu venetzianu chi at gherradu pro nche lòmpere a un’idea de tzitadinàntzia prus inclusiva, contra a sos presòrgios e a s’acostamentu imperante in contu de disàgiu psìchicu. «In antis de tando b’aiat belle 100mìgia persones internadas». Faeddos de Daniele Pulino, chircadore tiesinu de s’Universidade de Tàtari e autore de su libru “Prima della legge 180” (editziones Alphabeta).
Pulino ammentat chi «sos ospidales psichiàtricos pùblicos fiant sos logos de cura e de custòdia comente previdiat su primu artìculu de sa lege Giolitti de su 1904».
Universos totalizantes ma posca bortulados gràtzias a su traballu de Franco Basaglia e cumpàngios. In s’ospidale psichiàtricu de Gorìtzia, chi issu at ghiadu dae sos primos annos Sessanta, nch’at intradu su modellu de sa comunidade terapèutica aberende sos repartos e dende boghe a sos patzientes.
«Dae tando – galu Pulino –, pro mèdiu de cussa esperièntzia, b’at àpidu cambiamentos de importu chi ant contribuidu a s’elaboratzione de sa 180. Mancari “a minudu”, custos protzessos ant interessadu fintzas sa Sardigna. Su manicòmiu de Rizzeddu, in Tàtari, e su de Villa Clara, in Casteddu, contaiant belle 2mìgia persones internadas».
E pro su chi pertocat Tàtari est pretzisu a mentovare sas atziones de Maria Grazia Giannichedda e de su grupu suo in sos annos Setanta. Sa sotziòloga e dotzente de s’ateneu turritanu a Pulino l’at introduidu su libru e cun Basaglia b’at collaboradu.
«Cando in s’Universidade amus ischidu – est su chi at iscritu in s’introdutzione a s–antologia “L’utopia della realtà” – de una cunferèntzia sua in Tèmpiu, amus detzisu chi cussa fiat s’ocasione nostra. Issu at manifestadu interessu e su die a pustis est bènnidu cun nois a manicòmiu». Giannichedda, semper in cussa introdutzione in ue faeddat de «disafiu polìticu e personale» pro «firmare sa ferotzidade de cussu logu», contat de gente nuda, sena iscarpas, de unu «fragu de fumu e orina chi bogaiat s’alenu». «Aìamus cuntatadu – galu Giannichedda – finamentas su pìscamu, chi nos aiat naradu de parare passèntzia». A pustis de s’interessu de Basaglia, Rizzeddu est essidu a campu in sas pàginas de “L’Espresso”. A los bìdere serrados, sos manicòmios, bi nd’at chertu. Sos de Tàtari e de Casteddu los ant tancados a pustis de binti annos dae sa lege. Ma galu b’at ite fàghere, in totue, pro l’aplicare de su totu sa 180.
Pulino ammentat chi «sos ospidales psichiàtricos pùblicos fiant sos logos de cura e de custòdia comente previdiat su primu artìculu de sa lege Giolitti de su 1904».
Universos totalizantes ma posca bortulados gràtzias a su traballu de Franco Basaglia e cumpàngios. In s’ospidale psichiàtricu de Gorìtzia, chi issu at ghiadu dae sos primos annos Sessanta, nch’at intradu su modellu de sa comunidade terapèutica aberende sos repartos e dende boghe a sos patzientes.
«Dae tando – galu Pulino –, pro mèdiu de cussa esperièntzia, b’at àpidu cambiamentos de importu chi ant contribuidu a s’elaboratzione de sa 180. Mancari “a minudu”, custos protzessos ant interessadu fintzas sa Sardigna. Su manicòmiu de Rizzeddu, in Tàtari, e su de Villa Clara, in Casteddu, contaiant belle 2mìgia persones internadas».
E pro su chi pertocat Tàtari est pretzisu a mentovare sas atziones de Maria Grazia Giannichedda e de su grupu suo in sos annos Setanta. Sa sotziòloga e dotzente de s’ateneu turritanu a Pulino l’at introduidu su libru e cun Basaglia b’at collaboradu.
«Cando in s’Universidade amus ischidu – est su chi at iscritu in s’introdutzione a s–antologia “L’utopia della realtà” – de una cunferèntzia sua in Tèmpiu, amus detzisu chi cussa fiat s’ocasione nostra. Issu at manifestadu interessu e su die a pustis est bènnidu cun nois a manicòmiu». Giannichedda, semper in cussa introdutzione in ue faeddat de «disafiu polìticu e personale» pro «firmare sa ferotzidade de cussu logu», contat de gente nuda, sena iscarpas, de unu «fragu de fumu e orina chi bogaiat s’alenu». «Aìamus cuntatadu – galu Giannichedda – finamentas su pìscamu, chi nos aiat naradu de parare passèntzia». A pustis de s’interessu de Basaglia, Rizzeddu est essidu a campu in sas pàginas de “L’Espresso”. A los bìdere serrados, sos manicòmios, bi nd’at chertu. Sos de Tàtari e de Casteddu los ant tancados a pustis de binti annos dae sa lege. Ma galu b’at ite fàghere, in totue, pro l’aplicare de su totu sa 180.
Non lasciare decidere l'algoritmo:
scegli La Nuova Sardegna per le tue notizie su Google
