Su primu cartulàriu pro imparare a pintare figuras e formas
A su sòlitu, un’ispàssiu (e finas un’istentu) pro minores e mannos est su de colorare figuras giai pintadas. De libreddos gosi bi nd’at de cada genia, finas sardu. Ma sunt pagos sos chi proponent de...
1 MINUTI DI LETTURA
A su sòlitu, un’ispàssiu (e finas un’istentu) pro minores e mannos est su de colorare figuras giai pintadas. De libreddos gosi bi nd’at de cada genia, finas sardu. Ma sunt pagos sos chi proponent de fàghere su contràriu: figuras giai coloradas chi imparant a sos pitzinnos a pintare sa “forma” de sas cosas. De reghente b’ant pessadu sas editziones Papiros chi ant publicadu su primu cartulàriu de 16 pàginas, in formadu A4, in ue sos piseddos dae 3 a 6 annos podent passare un’evidentziadore, unu lapis o unu pastellu in sas partes biancas de sas figuras e in sas paràulas in sardu iscritas in caràtere manuale. In custu libreddu, sos pipios imparant a pintare unos 60 màndigos, frùtoras, ortalìtzia, cosas. In sos àteros, ant a pintare formas de animales, giogos, trastes, etc.
Custa est una manera discansosa e abbista pro imparare sas formas de sas cosas e pro leare familiaridade cun s’iscritura, finas cun pitzinnos chi non sunt galu intrados a s’iscola primària, ma sunt in sa materna.
Custa est una manera discansosa e abbista pro imparare sas formas de sas cosas e pro leare familiaridade cun s’iscritura, finas cun pitzinnos chi non sunt galu intrados a s’iscola primària, ma sunt in sa materna.
Non lasciare decidere l'algoritmo:
scegli La Nuova Sardegna per le tue notizie su Google
