Cun su trimestrale “Su Curreu”, s’Unesco faeddat in sardu
Est giai arribbadu a su nùmeru 2 su trimestrale de s’Unesco in sardu, publicadu in 9 limbas: àrabu, esperanto, frantzesu, inglesu, ispagnolu, portughesu, russu, sardu e tzinesu. “Su Curreu” de abrile-...
1 MINUTI DI LETTURA
Est giai arribbadu a su nùmeru 2 su trimestrale de s’Unesco in sardu, publicadu in 9 limbas: àrabu, esperanto, frantzesu, inglesu, ispagnolu, portughesu, russu, sardu e tzinesu. “Su Curreu” de abrile-làmpadas (70 pàg. a colores, ed. Papiros) est dedicadu a s’argumentu de “s’Antropotzene” (nùmene imbentadu in sos annos ‘80 dae su biòlogu Eugene Stoermer e adotadu in su 2000 dae su Prèmiu Nobel pro sa chìmica Paul Crutzen, dae su gregu «ánthrōpos» ‘òmine’ e «kainós» ‘nou, reghente’). Pro carchi istudiosu, s’Antropotzene est petzi unu nùmene diferente pro s’època chi cramamus ‘Olotzene’, cando sos umanos ant cumintzadu a cunditzionare s’ambiente dae 10.000 annos, cun sa sedentarizatzione e s’imbentu de sa massaria. Pro àteros, s’Antropotzene est cumintzadu a bias de su 1800, cun sa rivolutzione industriale. Àteros galu pessant chi custa època siat cumintzada cun sa prima esplosione atòmica de su 1945. “Su Curreu”, una mustra de sardu modernu e sientìficu!
Non lasciare decidere l'algoritmo:
scegli La Nuova Sardegna per le tue notizie su Google
