“Sa sentèntzia de sos jeans” pro sos deretos de sas fèminas
de Tonino Bussu
Sa vida e s’impignu de su magistradu de Cassatzione Simonetta Sotgiu Naschida in Tàtari, domìniga imbeniente rughet su trigèsimu de sa dispedida
2 MINUTI DI LETTURA
TÀTARI. Domìniga imbeniente rughet su trigèsimu de sa dispedida de Simonetta Sotgiu, tataresa, 80 annos, giùdice de Cassatzione, una vida in defesa mescamente de sos deretos de sas fèminas.
Sa prima gherra l’at fata pro intrare in sa magistradura ca, puru tenende sos tìtulos, bi fiat su divietu pro sas fèminas, ca sos òmines susteniant chi issas, cun sas gravidàntzias e àteros problemas relativos, crediant chi non podiant garantire unu trabàgliu sìmile.
Inbetzes Simonetta Sotgiu lis at paradu fronte, a conca arta, e lis at dimustradu su contràriu e difatis, paris mòdiu su divietu at esercitadu custa càrriga e, tenende puru sa famìlia, at fatu una brillante carriera cumente giùdice in Cassazione.
Non solu, ma at cumbàtiu cumente una leonessa, chene timoria peruna pro sa defesa e emancipatzione de sas fèminas, mescamente in sos casos de sos istrupos; at fatu su giru de su mundu, faghinde istòria, “sa sentèntzia de sos jeans” chi afirmaiat chi non podiat èssere possibile usare violèntzia a una picioca in jeans, segunde sa cale non bi fiat istrupu ca sos jeans non si nche podiant ispogiare cun fatzilidade e sa picioca duncas risurtaiat cunsentziente.
Pro duas legisladuras at collaboradu cun sa Presidèntzia de su Cossìgiu de sos ministros comente cossigiera pro sa pari oportunidade e issa puntaiat chi sas fèminas esserent conchistadu cussa paridade puru in sa governance, in cada setore, ca la riteniat una chistione non de forma, ma de sustàntzia, de democratzia reale, ca si nono fiant discriminadas.
S’est distinta in sa batalla, cun àteras fèminas de valia pro cambiare sa violèntzia contr’a sas fèminas dae delitu contr’a sa morale in delitu contr’a sa pessone. E sa diferèntzia fiat de sustàntzia manna!
Ma si s’impignu suo fiat belle sèmpere in Roma in Cassatzione, teniat continu sa Sardigna in su coro e difatis at gherradu a fiancu de s’Associatzione “Coordinamentu 3”, in ue fiat presidente onorària, pro s’aprovatzione de sa leze pro sa doppia preferèntzia de genere in su cossìgiu regionale sardu.
Simonetta Sotgiu mancat sì a sa familia, ma meda puru a sas fèminas ofesas chi difendiat cun rigore e firmesa manna.
Ma non s’interessaiat solu de temas feminiles, ma de medas àteros argumentos cumente trasportos, urbanìstisca, immigratzione. Fèmina sensibile, cun una grandu umanidade, aperta e determinada, lùcida finas a sa fine. De issa si nde est faeddadu, ma si nde at a chistionare pius a fundu in su tempus benidore. A che la connòschere in sa Santa Gloria!
Sa prima gherra l’at fata pro intrare in sa magistradura ca, puru tenende sos tìtulos, bi fiat su divietu pro sas fèminas, ca sos òmines susteniant chi issas, cun sas gravidàntzias e àteros problemas relativos, crediant chi non podiant garantire unu trabàgliu sìmile.
Inbetzes Simonetta Sotgiu lis at paradu fronte, a conca arta, e lis at dimustradu su contràriu e difatis, paris mòdiu su divietu at esercitadu custa càrriga e, tenende puru sa famìlia, at fatu una brillante carriera cumente giùdice in Cassazione.
Non solu, ma at cumbàtiu cumente una leonessa, chene timoria peruna pro sa defesa e emancipatzione de sas fèminas, mescamente in sos casos de sos istrupos; at fatu su giru de su mundu, faghinde istòria, “sa sentèntzia de sos jeans” chi afirmaiat chi non podiat èssere possibile usare violèntzia a una picioca in jeans, segunde sa cale non bi fiat istrupu ca sos jeans non si nche podiant ispogiare cun fatzilidade e sa picioca duncas risurtaiat cunsentziente.
Pro duas legisladuras at collaboradu cun sa Presidèntzia de su Cossìgiu de sos ministros comente cossigiera pro sa pari oportunidade e issa puntaiat chi sas fèminas esserent conchistadu cussa paridade puru in sa governance, in cada setore, ca la riteniat una chistione non de forma, ma de sustàntzia, de democratzia reale, ca si nono fiant discriminadas.
S’est distinta in sa batalla, cun àteras fèminas de valia pro cambiare sa violèntzia contr’a sas fèminas dae delitu contr’a sa morale in delitu contr’a sa pessone. E sa diferèntzia fiat de sustàntzia manna!
Ma si s’impignu suo fiat belle sèmpere in Roma in Cassatzione, teniat continu sa Sardigna in su coro e difatis at gherradu a fiancu de s’Associatzione “Coordinamentu 3”, in ue fiat presidente onorària, pro s’aprovatzione de sa leze pro sa doppia preferèntzia de genere in su cossìgiu regionale sardu.
Simonetta Sotgiu mancat sì a sa familia, ma meda puru a sas fèminas ofesas chi difendiat cun rigore e firmesa manna.
Ma non s’interessaiat solu de temas feminiles, ma de medas àteros argumentos cumente trasportos, urbanìstisca, immigratzione. Fèmina sensibile, cun una grandu umanidade, aperta e determinada, lùcida finas a sa fine. De issa si nde est faeddadu, ma si nde at a chistionare pius a fundu in su tempus benidore. A che la connòschere in sa Santa Gloria!
Non lasciare decidere l'algoritmo:
scegli La Nuova Sardegna per le tue notizie su Google
