La Nuova Sardegna

Una gherra intre batèrios bonos e malos. Est custa s’idea dae ue movet sa tecnologia Pchs contra a sas infetziones in ospidale. In Europa, a su presente, contamus belle 670mìgia infetziones cajonadas dae germes che a s’Eschirichia coli e a s’Istafilococu aureus. Ma, a su chi ant naradu in unu cungressu aprontadu dae sa Fundatzione Gemelli, est tempus de analizare a fundu s’impreu de sos disinfetantes chìmicos. A bisu de Patrizia Laurenti, dotzente de Igiene in sa Catòlica, b’at unos cantos fatores chi nos impuntzant a nch’iscùdere sa mirada prus addae: s’impatu ambientale de sos disinfetantes; s’efetu biotzida limitadu; sa resistèntzia de sos patògenos. (Màuru Piredda)