TRABALLOS
Iscurtare e acollire sena giuigare
Antonella Sircana, 39 annos, tataresa de babbu sennaresu e de mama osilesa. Cojuada e cun una fìgia. S’aficu e su disìgiu de agiudare sa gente l’ant bida divènnere psicologa.Antonella, pro ite ses...
3 MINUTI DI LETTURA
Antonella Sircana, 39 annos, tataresa de babbu sennaresu e de mama osilesa. Cojuada e cun una fìgia. S’aficu e su disìgiu de agiudare sa gente l’ant bida divènnere psicologa.
Antonella, pro ite ses divènnida psicòloga?
«Dae pitzoca, amigas e carrales, mi naraiant chi, cun sa sensibilidade mea, ischia iscurtare e intrare cun dilighia in sa vida de sa gente. Ca si tue iscurtas in mudìmene, sos àteros s’aberint e si cunfiant a manera naturale faghende·si bene a beru. In s’universidade apo iscobertu s’Orientamentu».
S’Orientamentu?…allega·nos·nde...
«Serbit a ghiare giòvanos e mannos pro cumprèndere, iscobèrrere e apretziare capatzidades e cumpetèntzias chi podent èssere finas diversas dae sos istùdios o dae sos traballos chi sunt faghende. S’Orientamentu creo chi siat netzessàriu in sas iscolas. Semus in una sotziedade semper in mudas, chi curret cun sa tecnologia e chi pedit de connòschere, isperimentare e ischire, pro sa vida intrea. Est su life learning».
Posca de sa làurea in psicologia, as sighidu a istudiare?
«Tzertu, cun sos masters in Orientamentu e Counseling chi m’ant acurtziadu meda, a manera pràtica, a su traballu cun sas pessones. Apo imparadu e imparo semper a agiudare sa gente a nd’essire dae su male sotziale e personale».
Cale ingrangeu nd’as?
«Su de intèndere chi sas pessones, cando benint dae mene, ant su coràgiu de àere fide in s’agiudu chi lis potzo dare. Cando, a pustis de carchi adòbiu, s’ograda issoro mudat, cheret nàrrere chi sunt intrende in relata cun s’ànima pròpia e ch’est cumentzende su caminu de sa renàschida».
Tue, pro cada adòbiu, una mira sestas?
«Deo traballo sighende obietivos, chi apostìvigo cada borta segundu de sa resone chi batit calicunu a mi pedire agiudu. Duncas dae s’arresonu nd’essint a campu cosas chi ant a serbire a sa pessone matessi pro nche colare cussu momentu de vida difìtzile. Sa mira mea est de nde bogare sos impèigos dae su casu chi si presentat, cumprende sos adòbios a manera chi totus potzant sighire a caminare cun sos pees issoro, sena prus sa ghia mea».
Intre sa gente, mescamente cales problemas iscumproas?
«In prus a su bisòngiu de istima e cunsideru, b’at a manera forte s’ansia».
«Gente meda alenat ansia, pro neghe de sos pensamentos fitianos de no àere sa capatzidade de gestire cada cosa e de no èssere mai in tempus. Su chi m’ispantat est cando intendo sos giòvanos de 20 annos chi narant, faeddende de su tempus benidore, sa paràula ormai. Mi sero de cantu, a bortas, podent èssere dèbiles sas isperas e de cantu sidis b’at de autostima».
Comente sunt sos adòbios tuos?
«Nde fatzo individuales, a grupu cun laboratòrios esperientziales, a grupu pro equipe di lavoro. Apo collaboratziones cun iscolas e cooperativas. Pro megiorare sa comunicatzione de sos traballadores fatzo formatzione e career counseling. Su chi non podet bènnere de mancu dae parte mea est su de iscurtare e acollire cun passèntzia e sensibilidade, pro fàghere agatare a sas pessones unu tretu de assèliu pro issos ebbia».
Ite nos faghet intèndere solos?
«Sa timòria de su giùigu e de no èssere atzetados dae sos àteros gosi comente semus. A s’ispissu bestimus caratzas chirchende de fàghere parte de una sotziedade chi non nos reconnoschet comente giustos. Naschet tando una cuntierra, intre su chi semus e su chi diamus àere disigiadu de èssere, chi nos faghet istesiare dae su mundu».
Unu messàgiu a sos chi non bi la faghent a pedire agiudu...
«Su psicòlogo est una pessone chi at imparadu a iscurtare e acollire sena giuigare. Duncas non bisòngiat timire de pedire agiudu».
«Dende·si s’oportunidade de allegare e de si fàghere iscurtare, naschet sa mudada de sa pessone. Imparamus a istare bene cun nois matessi faghende logu a sos bisòngios prus fungudos. Intramus in relata cun sos àteros a manera simple e lassende a banda sos impèigos ordingiados dae sas làcanas tramposas de sa mente. A bias sa situatzione chi bivimus non si podet furriare, ma si podet giambare sa manera de b’istare. Podimus isseberare comente nos acarare a sa vida de cada die. Semper sighende sa lunera de sa ditza in su coro».
Antonella, pro ite ses divènnida psicòloga?
«Dae pitzoca, amigas e carrales, mi naraiant chi, cun sa sensibilidade mea, ischia iscurtare e intrare cun dilighia in sa vida de sa gente. Ca si tue iscurtas in mudìmene, sos àteros s’aberint e si cunfiant a manera naturale faghende·si bene a beru. In s’universidade apo iscobertu s’Orientamentu».
S’Orientamentu?…allega·nos·nde...
«Serbit a ghiare giòvanos e mannos pro cumprèndere, iscobèrrere e apretziare capatzidades e cumpetèntzias chi podent èssere finas diversas dae sos istùdios o dae sos traballos chi sunt faghende. S’Orientamentu creo chi siat netzessàriu in sas iscolas. Semus in una sotziedade semper in mudas, chi curret cun sa tecnologia e chi pedit de connòschere, isperimentare e ischire, pro sa vida intrea. Est su life learning».
Posca de sa làurea in psicologia, as sighidu a istudiare?
«Tzertu, cun sos masters in Orientamentu e Counseling chi m’ant acurtziadu meda, a manera pràtica, a su traballu cun sas pessones. Apo imparadu e imparo semper a agiudare sa gente a nd’essire dae su male sotziale e personale».
Cale ingrangeu nd’as?
«Su de intèndere chi sas pessones, cando benint dae mene, ant su coràgiu de àere fide in s’agiudu chi lis potzo dare. Cando, a pustis de carchi adòbiu, s’ograda issoro mudat, cheret nàrrere chi sunt intrende in relata cun s’ànima pròpia e ch’est cumentzende su caminu de sa renàschida».
Tue, pro cada adòbiu, una mira sestas?
«Deo traballo sighende obietivos, chi apostìvigo cada borta segundu de sa resone chi batit calicunu a mi pedire agiudu. Duncas dae s’arresonu nd’essint a campu cosas chi ant a serbire a sa pessone matessi pro nche colare cussu momentu de vida difìtzile. Sa mira mea est de nde bogare sos impèigos dae su casu chi si presentat, cumprende sos adòbios a manera chi totus potzant sighire a caminare cun sos pees issoro, sena prus sa ghia mea».
Intre sa gente, mescamente cales problemas iscumproas?
«In prus a su bisòngiu de istima e cunsideru, b’at a manera forte s’ansia».
«Gente meda alenat ansia, pro neghe de sos pensamentos fitianos de no àere sa capatzidade de gestire cada cosa e de no èssere mai in tempus. Su chi m’ispantat est cando intendo sos giòvanos de 20 annos chi narant, faeddende de su tempus benidore, sa paràula ormai. Mi sero de cantu, a bortas, podent èssere dèbiles sas isperas e de cantu sidis b’at de autostima».
Comente sunt sos adòbios tuos?
«Nde fatzo individuales, a grupu cun laboratòrios esperientziales, a grupu pro equipe di lavoro. Apo collaboratziones cun iscolas e cooperativas. Pro megiorare sa comunicatzione de sos traballadores fatzo formatzione e career counseling. Su chi non podet bènnere de mancu dae parte mea est su de iscurtare e acollire cun passèntzia e sensibilidade, pro fàghere agatare a sas pessones unu tretu de assèliu pro issos ebbia».
Ite nos faghet intèndere solos?
«Sa timòria de su giùigu e de no èssere atzetados dae sos àteros gosi comente semus. A s’ispissu bestimus caratzas chirchende de fàghere parte de una sotziedade chi non nos reconnoschet comente giustos. Naschet tando una cuntierra, intre su chi semus e su chi diamus àere disigiadu de èssere, chi nos faghet istesiare dae su mundu».
Unu messàgiu a sos chi non bi la faghent a pedire agiudu...
«Su psicòlogo est una pessone chi at imparadu a iscurtare e acollire sena giuigare. Duncas non bisòngiat timire de pedire agiudu».
«Dende·si s’oportunidade de allegare e de si fàghere iscurtare, naschet sa mudada de sa pessone. Imparamus a istare bene cun nois matessi faghende logu a sos bisòngios prus fungudos. Intramus in relata cun sos àteros a manera simple e lassende a banda sos impèigos ordingiados dae sas làcanas tramposas de sa mente. A bias sa situatzione chi bivimus non si podet furriare, ma si podet giambare sa manera de b’istare. Podimus isseberare comente nos acarare a sa vida de cada die. Semper sighende sa lunera de sa ditza in su coro».
Non lasciare decidere l'algoritmo:
scegli La Nuova Sardegna per le tue notizie su Google
