“Iscrie una lìtera a sos tres res” est arribbadu a 27 annos de vida
Iscrie una lìtera a sos tres res, cuncursu pro iscolanos de sas elementares, est arribbadu a 27 annos de vida! S’organizadore, Papiros editziones, at otentu su dinare pro s’editzione 2019 dae...
1 MINUTI DI LETTURA
Iscrie una lìtera a sos tres res, cuncursu pro iscolanos de sas elementares, est arribbadu a 27 annos de vida! S’organizadore, Papiros editziones, at otentu su dinare pro s’editzione 2019 dae privados e dae una regorta-fundos de apassionados de sardu. Sa premiatzione de sos autores de sas mègius 60 lìteras at a èssere in Nùgoro su 6 de ghennàrgiu de su 2019, in sa crèsia de su Rosàriu, a sas 11. At a èssere presentadu e dadu in donu su libreddu de sas 60 lìteras 2019 publicadas, e, petzi a sos binchidores, unu giogu a incastros de 100 tèsseras, illustrados dae una figura pintada, che a semper, dae s’artista famada Pia Valentinis. In su libru est finas presente unu vocabularieddu de sas primas 100 paràulas in sardu e in otzitanu. In sos annos passados, sas limbas “sorres” de sa limba nostra sunt istadas su catalanu, s’ispagnolu, s’inglesu, su frantzesu. Finas a ocannu sunt arribbadas prus de 10.000 lìteras e sunt istados publicados prus de 20 libros cun sas lìteras prus galanas.
Non lasciare decidere l'algoritmo:
scegli La Nuova Sardegna per le tue notizie su Google
