“Brexit”, unu capìtulu nou in s’istòria de s’Europa post-bèllica
Coladu a sas crònacas cun su tèrmine “Brexit”, su referendum pro disinnare sa permanèntzia o mancu de su Rennu unidu in s’Unione europea at ingendradu unas cantas cunsighèntzias in s’iscenàriu...
1 MINUTI DI LETTURA
Coladu a sas crònacas cun su tèrmine “Brexit”, su referendum pro disinnare sa permanèntzia o mancu de su Rennu unidu in s’Unione europea at ingendradu unas cantas cunsighèntzias in s’iscenàriu polìticu internatzionale. Sa essida, cherta dae sos eletores e sustènnida dae su primu ministru atuale, Theresa May (in su retratu), iscriet unu capìtulu nou in s’istòria de s’Europa post-bèllica. Ma si b’at chie si nche cheret essire, b’at finamentas chie cheret abarrare. Torrat a essire a campu sa punna de s’unidade natzionale irlandesa intre sas 6 conteas setentrionales e s’Eire (paisu membru de s’Ue). Ma finamentas s’optzione referendària de sos iscotzesos pro nche cròmpere a s’indipendèntzia issoro a pustis de sa prima cramada de su 2014. Semper e cando, s’8 de làmpadas, sos tzitadinos britànnicos ant a dèvere votare pro annoare sos iscrannos de Westminster. Sa punna de May est prus chi non crara: una ghia prus forte. Est a nàrrere una prus forte majoria cunservadora. (màuru piredda)
Non lasciare decidere l'algoritmo:
scegli La Nuova Sardegna per le tue notizie su Google
