Eletziones britànnicas, vitòria de Pirru pro Theresa May
Theresa May (in su retratu) at bìnchidu sas eletziones britànnicas cun 13.667.213 votos, su 42,4%. Ma sa de su partidu suo est una vitòria de Pirru ca cun 317 iscrannos non nche crompet a sa majoria...
1 MINUTI DI LETTURA
Theresa May (in su retratu) at bìnchidu sas eletziones britànnicas cun 13.667.213 votos, su 42,4%. Ma sa de su partidu suo est una vitòria de Pirru ca cun 317 iscrannos non nche crompet a sa majoria assoluta. Su guvernu de sos cunservadores at a èssere agiuadu dae su bàculu de su Dup, sos unionistas nord-irlandesos. «Amus a èssere a tretu de collaborare – at naradu May – pro su bene de su Rennu unidu». Grandu avantzada laburista cun Jeremy Corbyn, su sotzialista de su Wiltshire chi at torradu a tìnghere a ruju su partidu a pustis de sa parèntesi moderada cumintzada cun Kinnok e incruèschida dae Blair. Su sustegnu de sa gioventude e unu programma atzudu in contu de deretos sotziales at ingendradu unu 40% chi, pro unos cantos analistas, podet galu crèschere pro more de sas contradditziones de custa fase noa. Isparèssidu s'Ukip dae su parlamentu. Sos indipendentistas iscotzesos de su Snp perdent una bintina de iscrannos. (màuru piredda)
Non lasciare decidere l'algoritmo:
scegli La Nuova Sardegna per le tue notizie su Google
