“Sas primas abbas”, su primu romanzu da Giuanne Fiore
Poeta de gabale, òmine de paràula, sindacalista famadu, Giuanne Fiore (in su retratu) custa borta ponet a una banda sonetos e rimas e nos donat su primu romanzu, “Sas primas abbas”, publicadu dae...
1 MINUTI DI LETTURA
Poeta de gabale, òmine de paràula, sindacalista famadu, Giuanne Fiore (in su retratu) custa borta ponet a una banda sonetos e rimas e nos donat su primu romanzu, “Sas primas abbas”, publicadu dae Soter editrice (254 pàginas, 16 euros). Classe 1935, de Ìtiri Cannedu, a pustis de barant’annos de poesias (at binchidu prèmios in totu sa Sardigna), Fiore colat in «sas camineras de s’iscrittura criativa» – narat isse e totu – e contat su contu de sos sardos chi ant batagliadu pro unu bìculu de terra. “Sas primas abbas” contat de «sos trabagliadores campagnolos e de sos manialis de s’indùstria de sa provìntzia de Tàthari». Unu romanzu fatu de retratos e de ammentos de tantos annos e de tantas cumbatas. «Tottu su chi nde birat da-i cussos ammentos – narat Giuanne Fiore – che ruet in sa pàgina iscritta che sale sabidore». Mancari «b’hat fittas de veridade istòrica, ma guasi tottu est inventadu», custu libru est testimòngiu pro unu in cras de sos tempos colados. (l.p.)
Non lasciare decidere l'algoritmo:
scegli La Nuova Sardegna per le tue notizie su Google
