Sa Sardigna in artos chelos cun su software Stellarium
de Tonino Bussu
Sèdilo, s’astròfilu e informàticu Zosepe Putzolu in su planetàrium open source «Su traballu chi apo fatu est istadu inseridu in su situ ufitziale de su prozetu»
2 MINUTI DI LETTURA
SÈDILO. In s’ùrtima versione de Stellarium(www.stellarium.org), su planetàrium open source prus impreadu in su mundu, podides agatare unu pacu de Sardigna e che fit ora. E difatis como, gràtzias a s’impignu de un’astròfilu e informàticu de Sèdilo Zosepe Putzolu, si podent osservare sas costellatziones cun sos nùmenes conform’a sa cultura popolare sarda, comente a s’àraba, cinesa, atzeca, egìtzia, maora, eschimesa e gai sighinde. Como si podet impreare su programma totu in sardu ischertande puru sa limba nostra tra sas 135 limbas in sas cales benit traduidu stellàrium.
«Est istadu unu traballu mannu meda – at naradu Zosepe Putzolu – ma non podio bajulare chi su chelu de sos sardos, su chelu nostru, che l’esserent irmenticadu».
Pròpiu una bella balentia sa de Putzolu chi pro arribare a ischire sos nùmenes de sas costellatziones s’est basadu in sa rielaboratzione de sas chircas fatas dae Tonino Bussu e dae Marco Puddu. Seperande su Skyculture sardu, si podent ammirare sas costellatziones de Sos Sete Frades (Il Grande Carro), sos Bacheddos (Orione), ma finas su Pinnetu (Toro), sa Mandra (Auriga), sa Rughe de Santu Antinu (il Cigno) e su Udrone (le Pleiadi) e àteras puru.
Custa est sa prova, si galu bi nde b’esseret bisòngiu, chi in sardu si podet faveddare de totu, finas de astronomia. Stellàrium est unu planetàriu virtuale simpre e gratis, unu software liberu multipiataforma criadu in su 2001 dae su chircadore frantzesu Fabien Chereau, coordinadore de su prozetu, a su cale pigat parte un’iscuadra de programmadores chi istant in diversas partes de su mundu.
Dae su 2001 a oje Stellàrium at tentu 34 milliones e 300 migia download da 170 paisos. Tenet intro de isse ’e totu unu catàlogu de prus de 600 mìgia istellas e cunsentit de bider sas imàgines de sas nebulosas, de sas galàssias e de sos ammassos istellares presentes in su catàlogu de Messier.
Custu software benit impiegadu non solu in àmbitu educativu, ma puru pro iscopos iscientìficos e de chirca, mescamente in su campu de s’archeoastronomia e de s’etnoastronomia. «Mi soe interessadu a custu software belle duos annos faghet cun s’irvilupu de un’animatzione pro sas costellatziones sardas – afirmat Zosepe Putzolu – e cun grandu cuntentesa mea, su traballu chi apo fatu, est istadu inseridu in su situ ufitziale de su prozetu».
«Est istadu unu traballu mannu meda – at naradu Zosepe Putzolu – ma non podio bajulare chi su chelu de sos sardos, su chelu nostru, che l’esserent irmenticadu».
Pròpiu una bella balentia sa de Putzolu chi pro arribare a ischire sos nùmenes de sas costellatziones s’est basadu in sa rielaboratzione de sas chircas fatas dae Tonino Bussu e dae Marco Puddu. Seperande su Skyculture sardu, si podent ammirare sas costellatziones de Sos Sete Frades (Il Grande Carro), sos Bacheddos (Orione), ma finas su Pinnetu (Toro), sa Mandra (Auriga), sa Rughe de Santu Antinu (il Cigno) e su Udrone (le Pleiadi) e àteras puru.
Custa est sa prova, si galu bi nde b’esseret bisòngiu, chi in sardu si podet faveddare de totu, finas de astronomia. Stellàrium est unu planetàriu virtuale simpre e gratis, unu software liberu multipiataforma criadu in su 2001 dae su chircadore frantzesu Fabien Chereau, coordinadore de su prozetu, a su cale pigat parte un’iscuadra de programmadores chi istant in diversas partes de su mundu.
Dae su 2001 a oje Stellàrium at tentu 34 milliones e 300 migia download da 170 paisos. Tenet intro de isse ’e totu unu catàlogu de prus de 600 mìgia istellas e cunsentit de bider sas imàgines de sas nebulosas, de sas galàssias e de sos ammassos istellares presentes in su catàlogu de Messier.
Custu software benit impiegadu non solu in àmbitu educativu, ma puru pro iscopos iscientìficos e de chirca, mescamente in su campu de s’archeoastronomia e de s’etnoastronomia. «Mi soe interessadu a custu software belle duos annos faghet cun s’irvilupu de un’animatzione pro sas costellatziones sardas – afirmat Zosepe Putzolu – e cun grandu cuntentesa mea, su traballu chi apo fatu, est istadu inseridu in su situ ufitziale de su prozetu».
Non lasciare decidere l'algoritmo:
scegli La Nuova Sardegna per le tue notizie su Google
