Catalùnnia indipendente? Repùblica in 48 oras si binchet su “Eja”
«Si binchet su eja, in 48 oras at a nàschere sa Repùblica catalana». Est a nàrrere non prus a tardu de su 3 de santugaine de ocannu. Est su criu de sa proposta de lege chi Junts pel Sí e sa Cup ant...
1 MINUTI DI LETTURA
«Si binchet su eja, in 48 oras at a nàschere sa Repùblica catalana». Est a nàrrere non prus a tardu de su 3 de santugaine de ocannu. Est su criu de sa proposta de lege chi Junts pel Sí e sa Cup ant presentadu custa chida e chi su parlamentu de Bartzellona at a dèvere aprovare in un’àtera setziada. Punna de sa lege est sa de istabilire unu regime giurìdicu etzetzionale a tretu de regulare e garantire sa cramada referendària de s’atòngiu imbeniente. Sa pregonta chi sos catalanos s’ant a agatare in s’ischeda est prus chi non simpre: «Cheres chi sa Catalùnnia siat una repùblica indipendente?». A su chi narat sa lege, su resurtu at a èssere vinculante. Sessione ordinària de su “Parlament” pro sa decraratzione de indipendèntzia si sos eletores ant a nàrrere chi eja. Eletziones autonòmicas si at a bìnchere su nono. Arrennegu in Madrid: nât chi 24 oras sunt prus chi non bastantes pro paralizare sa “Llei”. (màuru piredda)
Non lasciare decidere l'algoritmo:
scegli La Nuova Sardegna per le tue notizie su Google
