Durches, licore e cosmèticos Su caminu nou de sa pompia
de Màuru Piredda
Dae Thiniscole a s’universidade de Tàtari: sas chircas Phareco e 3-B Italia Ses produtos pro sas zonas ìntimas, sa buca e su contivìgiu de su corpus
2 MINUTI DI LETTURA
THINISCOLE. Citrus limon var. Pompia Camarda var. nova. Est a nàrrere sa pompia, unu intre sos prus caraterìsticos agrumes sardos. Groga che a unu limone, simigiante a su tzedru mancari siat prus larga chi non longa, a s’ispissu caribrunconosa, issa creschet in arboreddas semperbirdes de duos o tres metros chi frorint dae su mese de martzu a su de maju. Pranta tìpica de sa Baronia de Thiniscole, si narat chi nche potzat èssere cròmpida a inoghe a pustis de sos biàgios orientales de Lisandru su Mannu.
Presìdiu Slow food, l’ant istudiada dotzentes de botànica (Camarda est su sambenadu de su professore chi l’at identificada) e giòvanos de su logu (cun tesis de làurea e progetos imprenditoriales nàschidos in intro de sas iscolas).
Su bonu de sos sardos, e non petzi de sos sardos, la connoschet pro more de unos cantos produtos eno-gastronòmicos prus chi non licantzos: sa pompia intrea, candida cun su mele; s’arantzata (iscritu a sa baroniesa, sena lenitzione); sa marmellada; su licore otènnidu dae su “corju”. Ma su còrgiu, o mègius, s’ògiu essentziale suo, comente narat sa dotora Gràtzia Fenu Pintore de s’universidade de Tàtari, tenet finamentas «propiedades anti-inframatòrias, anti-batèricas e anti-linfòticas».
«In su Dipartimentu de sièntzias bio-mèigas – at naradu in un’addòbiu reghente – amus cumintzadu a nde bogare s’ògiu pro mèdiu de sa distillatzione a vapore».
Una faina chi non naschet oe e, a dae chi sa Comuna de Thiniscole nch’est in mesu a s’arresonu tràmite unu protocollu de intesa, abarrat un’iscummissa pro sos amministradores colados e sos atuales.
Sas chircas de sa Phareco Srl, s’impresa derivada (“spin off” in inglesu) de s’Ateneu si sunt como aunidas a sa missione de sa 3-B Italia, una Srl vèneta chi cun sa lìnia P-Med (P comente pompia) est a proa a isdoganare s’agrume baroniesu in su mercadu de sos cosmèticos.
«Ses sos produtos – comente at naradu Roberto Parisi, dirigente 3-B –: duos pro sa detersione e su tratamentu de sas zonas ìntimas; duos chi pertocant s’àmbitu de sa cavidade orale; duos pro su tratamentu de sa pedde, de sa cara e de sa carena».
«Auguremus·nos chi sa pompia – galu Parisi cara a sos amministradores locales thiniscolesos – potzat devènnere pro custu logu su chi est su bergamotu pro sa Calàbria. Como cussu agrume est una realidade mundiale».
«A su presente, una chimbantina de potecarias e para-potecarias de Itàlia sunt interessadas a sa lìnia P-Med».
Presìdiu Slow food, l’ant istudiada dotzentes de botànica (Camarda est su sambenadu de su professore chi l’at identificada) e giòvanos de su logu (cun tesis de làurea e progetos imprenditoriales nàschidos in intro de sas iscolas).
Su bonu de sos sardos, e non petzi de sos sardos, la connoschet pro more de unos cantos produtos eno-gastronòmicos prus chi non licantzos: sa pompia intrea, candida cun su mele; s’arantzata (iscritu a sa baroniesa, sena lenitzione); sa marmellada; su licore otènnidu dae su “corju”. Ma su còrgiu, o mègius, s’ògiu essentziale suo, comente narat sa dotora Gràtzia Fenu Pintore de s’universidade de Tàtari, tenet finamentas «propiedades anti-inframatòrias, anti-batèricas e anti-linfòticas».
«In su Dipartimentu de sièntzias bio-mèigas – at naradu in un’addòbiu reghente – amus cumintzadu a nde bogare s’ògiu pro mèdiu de sa distillatzione a vapore».
Una faina chi non naschet oe e, a dae chi sa Comuna de Thiniscole nch’est in mesu a s’arresonu tràmite unu protocollu de intesa, abarrat un’iscummissa pro sos amministradores colados e sos atuales.
Sas chircas de sa Phareco Srl, s’impresa derivada (“spin off” in inglesu) de s’Ateneu si sunt como aunidas a sa missione de sa 3-B Italia, una Srl vèneta chi cun sa lìnia P-Med (P comente pompia) est a proa a isdoganare s’agrume baroniesu in su mercadu de sos cosmèticos.
«Ses sos produtos – comente at naradu Roberto Parisi, dirigente 3-B –: duos pro sa detersione e su tratamentu de sas zonas ìntimas; duos chi pertocant s’àmbitu de sa cavidade orale; duos pro su tratamentu de sa pedde, de sa cara e de sa carena».
«Auguremus·nos chi sa pompia – galu Parisi cara a sos amministradores locales thiniscolesos – potzat devènnere pro custu logu su chi est su bergamotu pro sa Calàbria. Como cussu agrume est una realidade mundiale».
«A su presente, una chimbantina de potecarias e para-potecarias de Itàlia sunt interessadas a sa lìnia P-Med».
Non lasciare decidere l'algoritmo:
scegli La Nuova Sardegna per le tue notizie su Google
