Bullismu, situatzione crìtica frutu de unu cunsideru farsu
de Lutzianu Piras
Sos cussìgios a sas famìlias de su sotziòlogu nugoresu Gianfranco Oppo «Règulas e coerèntzia in sas punitziones sunt fatores importantes meda»
2 MINUTI DI LETTURA
NÙGORO. «Cada tres pitzinnos, unu at patidu prepotèntzias; in unas cantas iscolas belle su mesu de sos pitzinnos at partetzipadu o assìstidu a atos de bullismu contra a sos cumpàngios. A si bantare de èssere bullos est tìpicu de sas zonas de s’internu e frutu de unu cunsideru farsu de su significadu de su faeddu “balentia”». Gianfranco Oppo, sotziòlogu nugoresu, 70 annos, faghet parte de s’Otb, “Osservatorio territoriale sul bullismo”, de sa cuestura de Nùgoro. Pro contu de sa coop Lariso at fatu chircas subra de su bullismu in totu sa Sardigna. «Sos datos remunidos in custos ùrtimos 20 annos ant bogadu a campu pertzentuales artas meda de difusione de su fenòmenu», narat.
Como torrant a abèrrere sas iscolas. Sas famìlias prontas sunt pro afrontare e isòrvere custu problema?
«Su prus nono. Cando intervenint, a s’ispissu no lu faghent in sa manera giusta, sustituende·si a sos fìgios o dende sos cussìgios malos comente: “chircat de disconnòschere su fatu”, “si retzis unu corfu torra·nde·li duos”, “impara a t’amparare”. S’isproportzione in sa fortza fìsica, psicològica e numèrica intre bullos e vìtimas torrat a inùtiles custos cussìgios».
E s’iscola, imbetzes? Pronta est?
«In carchi iscola si sunt aconcados a sanare su fenòmenu a sa sola: e non benit bene. Su problema, a pustis chi l’ant afrontadu male, a s’ispissu torrat e cun prus fortza. Cando, posca, sas prepotèntzias acuntessent in su web o cun s’impreu de sos telefoneddos, s’iscola mustrat totu sa sua impreparatzione e impotèntzia sua».
Ite cussìgios dat a sos majores de unu pitzinnu vìtima de su bullismu?
«Galu in antis chi siant vìtimas, bisòngiat a imparare a sos pitzinnos a comunicare in manera rispetosa, ma direta e risoluta, su chi unu disìgiat a beru. Si mutit assertividade. Su de praticare una faina isportiva agiuat meda, comente a istare in grupos de pitzocos bènnidos dae famìlias de tipu diferente. Bisòngiat fintzas de imparare chi a pedire agiudu no est debilesa. Sa matessi fua est una risposta onorèvole cando sa situatzione est crìtica».
Ite cussìgios dat a mamas e babbos de unu pitzinnu bullu?
«Règulas e coerèntzia in sas punitziones sunt fatores importantes meda. Posca benit su modellu: unos cantos pipios prepotentes acudint dae famìlias in ue s’agressividade e sa pagu capatzidade de si pònnere in sa parte de sos àteros sunt fatores chi nche catzant cada frenu. In custas famìlias, s’arriscu deviàntzia cunclamada est semper presente in dae segus de sa contonada».
Como torrant a abèrrere sas iscolas. Sas famìlias prontas sunt pro afrontare e isòrvere custu problema?
«Su prus nono. Cando intervenint, a s’ispissu no lu faghent in sa manera giusta, sustituende·si a sos fìgios o dende sos cussìgios malos comente: “chircat de disconnòschere su fatu”, “si retzis unu corfu torra·nde·li duos”, “impara a t’amparare”. S’isproportzione in sa fortza fìsica, psicològica e numèrica intre bullos e vìtimas torrat a inùtiles custos cussìgios».
E s’iscola, imbetzes? Pronta est?
«In carchi iscola si sunt aconcados a sanare su fenòmenu a sa sola: e non benit bene. Su problema, a pustis chi l’ant afrontadu male, a s’ispissu torrat e cun prus fortza. Cando, posca, sas prepotèntzias acuntessent in su web o cun s’impreu de sos telefoneddos, s’iscola mustrat totu sa sua impreparatzione e impotèntzia sua».
Ite cussìgios dat a sos majores de unu pitzinnu vìtima de su bullismu?
«Galu in antis chi siant vìtimas, bisòngiat a imparare a sos pitzinnos a comunicare in manera rispetosa, ma direta e risoluta, su chi unu disìgiat a beru. Si mutit assertividade. Su de praticare una faina isportiva agiuat meda, comente a istare in grupos de pitzocos bènnidos dae famìlias de tipu diferente. Bisòngiat fintzas de imparare chi a pedire agiudu no est debilesa. Sa matessi fua est una risposta onorèvole cando sa situatzione est crìtica».
Ite cussìgios dat a mamas e babbos de unu pitzinnu bullu?
«Règulas e coerèntzia in sas punitziones sunt fatores importantes meda. Posca benit su modellu: unos cantos pipios prepotentes acudint dae famìlias in ue s’agressividade e sa pagu capatzidade de si pònnere in sa parte de sos àteros sunt fatores chi nche catzant cada frenu. In custas famìlias, s’arriscu deviàntzia cunclamada est semper presente in dae segus de sa contonada».
Non lasciare decidere l'algoritmo:
scegli La Nuova Sardegna per le tue notizie su Google
