Cheret fatu: dae s’Aposentu a sa Càmera de sos deputados
—APOSENTU vs SALA/SALONE, CÀMERA. Cun “aposentu” [dae su castiglianu “aposento”], inditamus unu locale de sa domo in ue dormimus, istamus o retzimus un’istràngiu. Mègius “aposentu”, in custu sentidu,...
1 MINUTI DI LETTURA
—APOSENTU vs SALA/SALONE, CÀMERA. Cun “aposentu” [dae su castiglianu “aposento”], inditamus unu locale de sa domo in ue dormimus, istamus o retzimus un’istràngiu. Mègius “aposentu”, in custu sentidu, chi non “càmera”, chi est petzi un’italianismu. Si semus faeddende de unu logu pùblicu, est mègius “sala o salone”, es.: “in sa sala de su cungressu b’aiat gente meda”. Ma, pro su logu in ue s’adòviant sos Deputados de un'istadu, est prus adatu “càmera”, es.: “Càmera de sos deputados”.
—BISU, BISARE non SÒNNIU, SONNIARE. Pro inditare sas visiones e pessamentos chi tenimus in su sonnu, a su sòlitu a de note, tenimus su sustantivu ‘patrimoniale’ “bisu” e su verbu “bisare”, chi benint dae su lat. «vīsum» (=visione, figura), es.: “eris apo tentu unu bisu malu”, mègius de sas ‘interferèntzias’ italianas “sònniu” e “sonniare".
—CHERET/BOLET FATU no ANDAT FATU. “Custa cosa andat fata” est unu ‘calcu’ dae s’italianu! Mègius “custa cosa cheret/bolet fata”. (diegu corràine)
—BISU, BISARE non SÒNNIU, SONNIARE. Pro inditare sas visiones e pessamentos chi tenimus in su sonnu, a su sòlitu a de note, tenimus su sustantivu ‘patrimoniale’ “bisu” e su verbu “bisare”, chi benint dae su lat. «vīsum» (=visione, figura), es.: “eris apo tentu unu bisu malu”, mègius de sas ‘interferèntzias’ italianas “sònniu” e “sonniare".
—CHERET/BOLET FATU no ANDAT FATU. “Custa cosa andat fata” est unu ‘calcu’ dae s’italianu! Mègius “custa cosa cheret/bolet fata”. (diegu corràine)
Non lasciare decidere l'algoritmo:
scegli La Nuova Sardegna per le tue notizie su Google
