Ite sentidu tenet a faeddare in sardu?
Est creschende s’idea chi sa diferèntzia culturale e linguìstica est su valore umanu prus de importu, una garantzia pro fraigare sa paghe e sa toleràntzia. Tando «torremus a fraigare sa Turre de...
1 MINUTI DI LETTURA
Est creschende s’idea chi sa diferèntzia culturale e linguìstica est su valore umanu prus de importu, una garantzia pro fraigare sa paghe e sa toleràntzia. Tando «torremus a fraigare sa Turre de Babele», comente naraiat Édouard Glissant, iscritore martinichesu! Duncas, faeddemus in sardu pro garantire sa diferèntzia de sas 6.000 limbas de su mundu, e ca nos identìficat contra a s’omologatzione a una limba ùnica. Ca su sardu est sa limba de s’istòria distinta e millenària nostra; est sa limba de sos mannos nostros, galu faeddada dae prus unu millione de sardos; nos garantit un’apartenèntzia natzionale sarda; nos cunsentit una relatzione profunda cun pessones chi faeddant in sardu cada die; agiuat a istimare sas raighinas familiares e natzionales nostras; agiuat a imparare àteras limbas, ca in sos dialetos nostros tenimus sonos de su gregu, ispagnolu, inglesu, àrabu, etc.; ca a «ischire limbàgios est sabiduria» comente naraiat su canònigu Giuanne Ispanu in s’800. In fines, tenet sentidu ca, si no lu faeddamus nois, como, in Sardigna, in ue e cando mai l’ant a faeddare in aterue? (d.corràine)
Non lasciare decidere l'algoritmo:
scegli La Nuova Sardegna per le tue notizie su Google
