Casu e produtos berveghinos sos pastores sunt isetende
de Banne Sio (*)
Su traballu de Oilos, s’Organizatzione interprofessionale de su late sardu intre sos cunsumos in su mercadu natzionale e finas in cussu internatzionale
2 MINUTI DI LETTURA
ORGÒSOLO. Pro agatare una solutzione a sa crisi de su pastoriu, bisonzat chi cambiet sa polìtica rezionale e finas su tratamentu intre sas diferentes cumponentes de sa filiera. Cunsideradu chi b’at unu aumentu, finas si est galu est dèbile, de sos cunsumos de su casu, e de sos àteros produtos berveghinos, in su mercadu natzionale e finas in cussu internatzionale, chi sos magasinos de sos caseifìtzios sun belle bòidos e chi su prèju de su casu romanu est torra in aumentu, sos pastores s’isetan un prèju de su late prus artu meda de cussu de s’annu coladu chi, tocat de amentare, est istadu de sos prus bassos de sèmpere.
Est a beru chi cando si pesat bentu est pretzisu a bentulare, ma non tocat de pessare chi su bentu duret meda, ca totu custos annos amus imparadu chi su prèju artiat e falat che a una billantza. E tando est pretzisu chi sa Rezione li ponzat deretu manos a sa chistione, pro chircare de mezorare sa cunditzione de sos pastores. A oje non s’ischit galu ite cheret faghere sas giunta rezionale. Sos interventos emerzentziales, chi puru sun netzessàrios in sos tempos malos, non risolven sos problemas de su pastoriu.
Pro custu Confagricoltura Sardinna, pagu tempus a como at iscritu a s’assessore Pier Luigi Caria, pedinde·li de convocare su “Tavolo di filiera ovicaprino” e deretu a pustis abèrrere sas tratativas pro su preju de su latte. Est craru chi pro fàghere custu cheret a istabilire règulas craras pro arribare a unu prèju onestu e zustu siat pro sos industriale, siat pro sos pastores. Duncas bisonzat finas de bogare a craru, e in presse, sos datos reales de mercadu chi pertochent sa produtzione, sa trasformatzione e sa cumertzializatzione.
In custu sensu at a essere de importu mannu su traballu de Oilos, s’Organizatzione interprofessionale de su late berveghinu sardu – inue b’at sos rapresentantes de sos caseifìtzios privados, de sas cooperativas e de sos pastores – chi non podet e non depet fàghere su prèju de su late ma podet pònnere a disponimentu de sas partes totu sas informatziones e sos mèdios pro arribare a unu prèju chi andet bene a totus, podet cumissionare sas inchertas de mercadu pro orientare sa produtzione e duncas pro cunsizare cale tipos de casu cumbenit a fàgher e cantu, e podet finas fàghere istùdios pro ischire in ue cumbenit a bèndere su casu.
Unu traballu pretzisu si cherimus a beru chi su prèju de su late podat dare dinnidade a su traballu de su pastore.
(*) Confagricoltura Sardigna
Est a beru chi cando si pesat bentu est pretzisu a bentulare, ma non tocat de pessare chi su bentu duret meda, ca totu custos annos amus imparadu chi su prèju artiat e falat che a una billantza. E tando est pretzisu chi sa Rezione li ponzat deretu manos a sa chistione, pro chircare de mezorare sa cunditzione de sos pastores. A oje non s’ischit galu ite cheret faghere sas giunta rezionale. Sos interventos emerzentziales, chi puru sun netzessàrios in sos tempos malos, non risolven sos problemas de su pastoriu.
Pro custu Confagricoltura Sardinna, pagu tempus a como at iscritu a s’assessore Pier Luigi Caria, pedinde·li de convocare su “Tavolo di filiera ovicaprino” e deretu a pustis abèrrere sas tratativas pro su preju de su latte. Est craru chi pro fàghere custu cheret a istabilire règulas craras pro arribare a unu prèju onestu e zustu siat pro sos industriale, siat pro sos pastores. Duncas bisonzat finas de bogare a craru, e in presse, sos datos reales de mercadu chi pertochent sa produtzione, sa trasformatzione e sa cumertzializatzione.
In custu sensu at a essere de importu mannu su traballu de Oilos, s’Organizatzione interprofessionale de su late berveghinu sardu – inue b’at sos rapresentantes de sos caseifìtzios privados, de sas cooperativas e de sos pastores – chi non podet e non depet fàghere su prèju de su late ma podet pònnere a disponimentu de sas partes totu sas informatziones e sos mèdios pro arribare a unu prèju chi andet bene a totus, podet cumissionare sas inchertas de mercadu pro orientare sa produtzione e duncas pro cunsizare cale tipos de casu cumbenit a fàgher e cantu, e podet finas fàghere istùdios pro ischire in ue cumbenit a bèndere su casu.
Unu traballu pretzisu si cherimus a beru chi su prèju de su late podat dare dinnidade a su traballu de su pastore.
(*) Confagricoltura Sardigna
Non lasciare decidere l'algoritmo:
scegli La Nuova Sardegna per le tue notizie su Google
