Sa Sardigna si ponet in biàgiu pro cùrrere sa Copa Amèrica
de Lisandru Beccu
Dae Santu Pantaleu a sas abbas de Auckland cun sa barca “Adelasia di Torres” «Oe podimus nàrrere chi sa terra e su mare s’aunint pro promòvere s’ìsula»
2 MINUTI DI LETTURA
SANTU PANTALEU. Dae Sardigna pro cumpètere in Copa Amèrica. A pustis de àere otènnidu su patronadu de sa Regione autònoma de Sardigna, sa Fundatzione “Adelasia di Torres” at ativadu, in manera ufitziale, su percursu pro leare parte a s’eventu vèlicu prus famadu de su mundu. S’apuntamentu est pro su 2021 in sas abbas de Auckland. Sa Copa Amèrica est su trofeu isportivu prus antigu de su mundu e est ancora in atividade.
A dies de oe est divènnida unu disafiu tecnològicu intre natziones, in ue sos protagonistas sunt rapresentados dae isport, inteligèntzia, traditzione, benidore, natura e òmines.
«Sa vela est rapresentante de sa Fundatzione giai dae sa nàschida sua: su contributu a unas cantas regadas de importu, natzionales e internatzionales, cun resurtos de calidade, at fatu connòschere su nùmene e su sìmbulu de sa Sardigna in paritzas ocasiones de primore – at naradu Renadu Azara, presidente de sa Fundatzione –. No amus tentu mai dudas subra de sa sintonia de sa missione nostra in pare cun sa de sa Regione: oe podimus nàrrere chi sa terra e su mare s’aunint pro valorizare e pro promòvere s’ìsula nostra». Sa barca pro sa cumpetitzione in Copa Amèrica at a èssere progetada e fraigada totu in Sardigna. At a nàschere unu tzentru ispetzializadu pro sa nàutica, sos progetistas e sos costruidores sardos sunt giai prontos a bi traballare.
At a èssere un’investimentu vàlidu, cun cunsighèntzias de importu in su territòriu, siat a livellu econòmicu e siat pro su chi pertocat s’isvilupu de cumpetèntzias cun cualìfica arta.
«Como nche devimus cròmpere a su traguardu chi nos at a permìtere de nos nch’iscrìere, in manera ufitziale, a sa cumpetitzione – narat Azara – giughende cun nois unos cantos cumpàngios de biàgiu chi potzant sustènnere un’isfortzu econòmicu chi at a èssere traballosu meda. Posca amus a pòdere cumintzare a operare cun s’iscuadra nostra de professionistas».
Sa Fundatzione “Adelasia di Torres” est nàschida pro dare unu contributu a s’isvilupu sustenìbile de s’àrea mediterrànea e mescamente de sa Sardigna, e persighit sos obietivos suos cun initziativas produtivas, isportivas, culturales e de promotzione de s’ìsula, in lìnia cun sos critèrios, semper prus modernos, de sustenibilidade e rispetu de su territòriu.
A dies de oe est divènnida unu disafiu tecnològicu intre natziones, in ue sos protagonistas sunt rapresentados dae isport, inteligèntzia, traditzione, benidore, natura e òmines.
«Sa vela est rapresentante de sa Fundatzione giai dae sa nàschida sua: su contributu a unas cantas regadas de importu, natzionales e internatzionales, cun resurtos de calidade, at fatu connòschere su nùmene e su sìmbulu de sa Sardigna in paritzas ocasiones de primore – at naradu Renadu Azara, presidente de sa Fundatzione –. No amus tentu mai dudas subra de sa sintonia de sa missione nostra in pare cun sa de sa Regione: oe podimus nàrrere chi sa terra e su mare s’aunint pro valorizare e pro promòvere s’ìsula nostra». Sa barca pro sa cumpetitzione in Copa Amèrica at a èssere progetada e fraigada totu in Sardigna. At a nàschere unu tzentru ispetzializadu pro sa nàutica, sos progetistas e sos costruidores sardos sunt giai prontos a bi traballare.
At a èssere un’investimentu vàlidu, cun cunsighèntzias de importu in su territòriu, siat a livellu econòmicu e siat pro su chi pertocat s’isvilupu de cumpetèntzias cun cualìfica arta.
«Como nche devimus cròmpere a su traguardu chi nos at a permìtere de nos nch’iscrìere, in manera ufitziale, a sa cumpetitzione – narat Azara – giughende cun nois unos cantos cumpàngios de biàgiu chi potzant sustènnere un’isfortzu econòmicu chi at a èssere traballosu meda. Posca amus a pòdere cumintzare a operare cun s’iscuadra nostra de professionistas».
Sa Fundatzione “Adelasia di Torres” est nàschida pro dare unu contributu a s’isvilupu sustenìbile de s’àrea mediterrànea e mescamente de sa Sardigna, e persighit sos obietivos suos cun initziativas produtivas, isportivas, culturales e de promotzione de s’ìsula, in lìnia cun sos critèrios, semper prus modernos, de sustenibilidade e rispetu de su territòriu.
Non lasciare decidere l'algoritmo:
scegli La Nuova Sardegna per le tue notizie su Google
