Si narat TRABALLU INTELLIGENTE, non si narat SMART WORKING
—TRABALLU INTELLIGENTE non Smart working. Cando sos giornales faeddant de su Disinnu de lege in su Parlamentu italianu intituladu “Lavoro agile” pro sa articulatzione flessìbile in sos tempos e in...
1 MINUTI DI LETTURA
—TRABALLU INTELLIGENTE non Smart working. Cando sos giornales faeddant de su Disinnu de lege in su Parlamentu italianu intituladu “Lavoro agile” pro sa articulatzione flessìbile in sos tempos e in sos logos de su traballu subordinadu”, iscrient “smart working”, a s’inglesa. Bolende nàrrere in sardu su matessi cuntzetu, diat pòdere èssere “traballu intelligente”, ca cun “smart working” (=intelligente + traballu), cherent inditare unu traballu controlladu e otimizadu cun s’agiudu de sa Rete informàtica, chi cunsentat una produtividade bona assegurende a sos traballadores sa possibilidade de unu cumpromissu cun sa vida de domo e de famìlia. In pràtica diat èssere una forma de traballau “dae” domo e no “in” ufìtziu chi, semper a s’inglesa, mutint “teleworking” o “telecommuting”, e chi in sardu est prus craru a mutire teletraballu e in it. televoro. Una manera de trabballare chi sos mèdias presentant comente forma de traballu de su tempus venidore. (d.corràine)
Non lasciare decidere l'algoritmo:
scegli La Nuova Sardegna per le tue notizie su Google
