In sardu su contu de s’ebràicu modernu, unificadu e comunu
Est in essidu in sardu “Sa limba de sos ànghelos / Su contu de comente est torrada a bia sa limba ebràica”, cun sas editziones Papiros. S’autore, Richard Michelson, bortadu in sardu dae Diegu...
1 MINUTI DI LETTURA
Est in essidu in sardu “Sa limba de sos ànghelos / Su contu de comente est torrada a bia sa limba ebràica”, cun sas editziones Papiros. S’autore, Richard Michelson, bortadu in sardu dae Diegu Corràine, contat a sos pitzinnos sardos, cun sas figuras galanas e craras de Karla Gudeon, s’istòria de su protzessu de istandardizatzione e modernaizatzione de s’ebràicu, teorizadu e operadu dae Eliezer Ben-Yehuda (1858-1922) e praticadu dae su fìgiu Ben-Zion (1882-1943), su “primu faeddadore” de s’ebràicu modernu, unificadu e comunu. A s’època, sos ebreos faeddaiant sa limba de sos istados in ue istaiant o in limbas nàschidas dae su misturu cun sas limbas locales, comente su yiddish, su giudeuispagnolu, etc. Su libru contat finas de comente sos cuntemporàneos de Ben Yehuda si nde riiant de s’idea sua de unificare e modernizare s’ebràicu antigu. Ma teniat resone issu, ca s’ebràicu “suo” est como limba ufitziale de Israele. Unu modellu pro sas limbas che a su sardu!
Non lasciare decidere l'algoritmo:
scegli La Nuova Sardegna per le tue notizie su Google
