“Una campura de bisos e trampas”
Est essidu dae pagas chidas, imprentadu dae Papiros, s’ùrtimu traballu literàriu de Vitòriu Sella (in sa fotografia), s’istòricu e iscritore bitzichesu residente in Thiniscole in ue insegnaiat in...
1 MINUTI DI LETTURA
Est essidu dae pagas chidas, imprentadu dae Papiros, s’ùrtimu traballu literàriu de Vitòriu Sella (in sa fotografia), s’istòricu e iscritore bitzichesu residente in Thiniscole in ue insegnaiat in iscola. “Una campura de bisos e trampas” est su tìtulu de su romanzu fraigadu sighende sas tribulias de Maria Bonària, una fèmina nàschida e crèschida in sa bidda imaginària de Dure. Disterrada in Torinu, torrat a domo sua pro sa festa de Santu Jorgi. Intrende·nche a crèsia si sapit de sa manu de tinta chi aiat cugugiadu sas pinturas, mescamente sa de su santu chi aiat mortu su dragu. In sas fantasias suas de pitzinna, sa bèstia s’aiat pigadu sa mama. Maria Bonària, pesada dae sa mannedda, nos acumpàngiat in totu su libru carignende sos sentidos de sa gente ùmile de una Sardigna magheddada dae unos cantos bardaneris modernos. (màuru piredda)
Non lasciare decidere l'algoritmo:
scegli La Nuova Sardegna per le tue notizie su Google
