Est essidu “Contos de su cane e de su gatu” de Josef Čapek
Est in pessu essidu in sardu “Contos de su cane e de su gatu” de Josef Čapek, pintore e iscritore tzecu, frade de su prus famadu Karel Čapek. Su libru, publicadu dae sas editziones Papiros, in sa...
1 MINUTI DI LETTURA
Est in pessu essidu in sardu “Contos de su cane e de su gatu” de Josef Čapek, pintore e iscritore tzecu, frade de su prus famadu Karel Čapek. Su libru, publicadu dae sas editziones Papiros, in sa sèrie “SenaLàcanas", l’ant bortadu in sardu dae s’originale in limba tzeca “Povídání o pejskovi a kočičce” sos istudentes Rosabela Buenová, Marcela Bugáňová, Ivana Gluchmanová, Jana Pazderová, de su cursu 2014 de Limba Sarda de s’Universidade Masaryk de Brno. Su revisore de sa tradutzione est istadu Dàriu Piga, professore de su Cursu. Imbetzes, sa revisione generale de istilìstica e cumparatzione cun sa versione originale l’at fatu Libuše Valíčková. Josef Čapek est mortu in su mese de abrile de su 1945 in su campu de cuntzentramentu de Bergen-Belsen, in Germània, a ue l’aiant deportadu ca fiat inimigu de sas ideas e polìticas de Adolf Hitler. Custa tradutzione fata dae istràngios est de importu mannu ca mustrat a nois Sardos chi sa limba sarda “balet” e interessat in totue!
Non lasciare decidere l'algoritmo:
scegli La Nuova Sardegna per le tue notizie su Google
