Prèmiu Wolf de literadura pro pitzinnos
Sas Editziones Papiros bandint su Prèmiu Wolf de literadura pro pitzinnos “Conto unu contu”, in onore e ammentu de Heinz Jürgen Wolf (1936-2016), linguista tedescu (in sa foto), istudiosu de sardu e...
1 MINUTI DI LETTURA
Sas Editziones Papiros bandint su Prèmiu Wolf de literadura pro pitzinnos “Conto unu contu”, in onore e ammentu de Heinz Jürgen Wolf (1936-2016), linguista tedescu (in sa foto), istudiosu de sardu e amigu mannu de sos sardos e de sa limba sarda. Su Prèmiu est pro contos in sardu pro pitzinnos dae 6 a 10 annos, iscritos cunforma a sas normas de sa limba sarda comuna, chi cherent imbiados, intro de su 1-9-2018, a: Prèmiu Wolf / Conto unu contu, c/o Papiros ed., carrera de Lombardia 46, 08100 Nùgoro/Nuoro. Cada autore podet leare parte cun contos originales (dae 1 a 3), mai premiados e chi non siant sa tradutzione dae àteros autores. In mesu de sos contos arribbados (cadaunu dae 5400 a 9000 caràteres), Papiros at a premiare sos contos mègius, cun sa publicatzione in unu libru apòsitu e cun unu donu de libros in sardu pro pitzinnos. Sos organizadores ant a pòdere acontzare ortografia e lèssicu de su contu, cunforma a sas normas Lsc. Sa premiatzione at a èssere su 20.11.2018, in ocasione de sa “Die internatzionale de sos pitzinnos”. Su bandu cumpretu est in http://limbas.tempusnostru.it/noas.page?docId=2947.
Non lasciare decidere l'algoritmo:
scegli La Nuova Sardegna per le tue notizie su Google
