Fogos e preventzione tzivile sa retzeta forestale de Delogu
de Màuru Piredda
Su dirigente nugoresu in pensione: «No isetemus ebbia sos canadair» Ite bi diat chèrrere? «Abilidades, connoschèntzias e formatzione»
2 MINUTI DI LETTURA
CASTEDDU. S’istiu in pessu acaradu s’est a pustis de unu beranu prus chi no infustu. E duncas, a dae chi sas abbas de maju diant pòdere pònnere carchi incògnita in sa mesa, est tempus de chistionare de unu problema chi caraterizat custa istajone. Ma su fogu, a beru unu problema est? Zosepe Marianu Delogu, una risposta nos l’est frunende dae tempus cun su traballu suo. Unu traballu chi sighit die cun die mancari issu non siat prus dirigente regionale de sa Forestale.
Classe 1953, nugoresu, pensionadu dae un’annu, Delogu contivìgiat totora sos cuntatos suos a livellu internatzionale e galu est operativu in su campu de sa seguresa. Laureadu in Sièntzias forestales, at iscritu “Dalla parte del fuoco ovvero il paradosso di Bambi” (como puru in versione ispagnola) otenende finamentas unu master in “Ciencia y Gestion de incendios forestale”, addae de sos Pireneos. «Su mundu intreu s’est pregontende in ue amus isballiadu». Gasi est comintzada, cun isse, s’allega mentovada. «Amus mòvidu una gherra totale contra a sos fogos de sos padentes, ma issos, finamentas in sos paisos ricos e cun tecnologia avantzada, semper prus fortes e violentos sunt».
E duncas?
«Nois e su fogu diamus pòdere cunvìvere».
Ma comente?
Delogu faeddat de silvicultura («Diat pòdere ingendrare economia»), bogat a campu esèmpios istòricos («Sos nativos de Amèrica poniant fogu cada bator o chimbe annos pro megiorare sa pastura de sos animales, gasi sos padentes s’aberiant e abarraiant netos»), inditat sa netzessidade de unu re-echilìbriu ambientale peri sos sartos («B’at giassos medas chi sunt brutos, a li colare su tratore diat podet èssere de giudu a s’agricultura, gasi sos terrinos pigant sole e si nche morint sos parassìtas»), pensat chi sas doas de amparu non diant pòdere bastare contra a framas mannas («Cheret chi non b’apat cuntatu intre sas prantas in intro su padente, gasi creschent prus fortes e brujant prus pagu»), proponet de barigare su cuntzetu de sa “protezione civile” in favore de su de sa preventzione («Non podimus isetare ebbia sos canadair»).
Est ora duncas de torrare a sas abilidades e a sas connoschèntzias chi fiant de giudu, finamentas inoghe, pro tènnere su logu netu e menguare sos arriscos.
«S’educatzione cheret diferentziada – at annantu Delogu –. Pensemus a cursos de formatzione pro chi su fogu potzat èssere manigiadu a livellu colletivu e comunitàriu». Finamentas in sardu: «S’idea de una publicatzione cun sa limba nostra est semper bia, su manuale operativu pro custos cursos».
Classe 1953, nugoresu, pensionadu dae un’annu, Delogu contivìgiat totora sos cuntatos suos a livellu internatzionale e galu est operativu in su campu de sa seguresa. Laureadu in Sièntzias forestales, at iscritu “Dalla parte del fuoco ovvero il paradosso di Bambi” (como puru in versione ispagnola) otenende finamentas unu master in “Ciencia y Gestion de incendios forestale”, addae de sos Pireneos. «Su mundu intreu s’est pregontende in ue amus isballiadu». Gasi est comintzada, cun isse, s’allega mentovada. «Amus mòvidu una gherra totale contra a sos fogos de sos padentes, ma issos, finamentas in sos paisos ricos e cun tecnologia avantzada, semper prus fortes e violentos sunt».
E duncas?
«Nois e su fogu diamus pòdere cunvìvere».
Ma comente?
Delogu faeddat de silvicultura («Diat pòdere ingendrare economia»), bogat a campu esèmpios istòricos («Sos nativos de Amèrica poniant fogu cada bator o chimbe annos pro megiorare sa pastura de sos animales, gasi sos padentes s’aberiant e abarraiant netos»), inditat sa netzessidade de unu re-echilìbriu ambientale peri sos sartos («B’at giassos medas chi sunt brutos, a li colare su tratore diat podet èssere de giudu a s’agricultura, gasi sos terrinos pigant sole e si nche morint sos parassìtas»), pensat chi sas doas de amparu non diant pòdere bastare contra a framas mannas («Cheret chi non b’apat cuntatu intre sas prantas in intro su padente, gasi creschent prus fortes e brujant prus pagu»), proponet de barigare su cuntzetu de sa “protezione civile” in favore de su de sa preventzione («Non podimus isetare ebbia sos canadair»).
Est ora duncas de torrare a sas abilidades e a sas connoschèntzias chi fiant de giudu, finamentas inoghe, pro tènnere su logu netu e menguare sos arriscos.
«S’educatzione cheret diferentziada – at annantu Delogu –. Pensemus a cursos de formatzione pro chi su fogu potzat èssere manigiadu a livellu colletivu e comunitàriu». Finamentas in sardu: «S’idea de una publicatzione cun sa limba nostra est semper bia, su manuale operativu pro custos cursos».
Non lasciare decidere l'algoritmo:
scegli La Nuova Sardegna per le tue notizie su Google
