“Nois” in pràtica, sas normas ortogràficas pro iscrìere in sardu
“Nois. Normas ortogràficas pro iscrìere in sardu”: in custu libreddu de 70 pp., sa Sotziedade pro sa limba sarda at publicadu sas Normas de iscritura deliberadas dae sa giunta regionale su 18.4.2006,...
1 MINUTI DI LETTURA
“Nois. Normas ortogràficas pro iscrìere in sardu”: in custu libreddu de 70 pp., sa Sotziedade pro sa limba sarda at publicadu sas Normas de iscritura deliberadas dae sa giunta regionale su 18.4.2006, cun s’agiunta de unas cantas règulas ortogràficas. Si sa norma linguìstica no l’ant istabilida sos iscritores, in tempos colados, sunt sas cumissiones de istudiados chi si ponent de acordu, incarrigadas dae un’autoridade culturale o polìtica superiore. Est su chi est acuntèssidu cun sa Lsc (Limba sarda comuna) de su 2006, basada in tres critèrios fundamentales: 1) iscrìere semper in sa matessi manera cada paràula, sena cunsiderare sos càmbios chi podet tènnere in sa pronùntzia, cando in su cumintzu o in s’agabbu, si ligat a àteros faeddos; 2) iscrìere in una manera ebbia sas paràulas chi tenent pronùntzia diferente ma tenent sa matessi raighina; 3) impreare paràulas diferentes chi currispondent a su matessi cuntzetu: “faeddare, allegare, chistionare, arresonare”.
Non lasciare decidere l'algoritmo:
scegli La Nuova Sardegna per le tue notizie su Google
