Dae s’ispagnolu a su sardu culturas postas a cunfrontu
de Lutzianu Piras
Rachel Falchi premiada pro sa tradutzione literària de Horacio Quiroga Intervista a Diegu Corràine, fundadore e diretore de sas editziones Papiros
2 MINUTI DI LETTURA
NÙGORO. Rachel Falchi est sa binchidora de su Prèmiu “Limbas in Ponte”, de tradutzione literària dae s’ispagnolu a su sardu, annu 2018, pro s’òpera “Cuentos de la selva” de Horacio Quiroga, iscritore uruguajanu (1878-1937). Sos cuncurrentes ant imbiadu una prova de tradutzione in sardu de una parte de su libru. Sas editziones Papiros ant premiadu sa tradutora isseberada dende·li s’incàrrigu de bortare in sardu totu su libru, in càmbiu de un’agiudu a sa tradutzione de 500 euro. Nde faeddamus cun Diegu Corràine, diretore de sas ediztiones Papiros.
Pro ite “Limbas in ponte”?
«Pro prima cosa, pro pònnere a cunfrontu su sardu cun àteras limbas e culturas; a pustis, pro publicare òperas de grandu iscritores istràngios in unu sardu bonu; in fines, pro cunsentire a su sardu de isvilupare su vocabulàriu suo, in manera moderna. Sena cumplessos de inferioridade, ca in sardu podimus faeddare de totu e de totus».
Su Prèmiu est intituladu a Eliezer Ben Yehuda...
«Ca custu pessonàgiu, nàschidu in su 1858 in una tzitade de Bielorùssia e mortu in Gerusaleme in su 1922, est istadu su linguista, giornalista, iscritore chi at dadu modernidade e unidade a sa limba ebràica chi tando nemos “faeddaiat” ma chi, como, gràtzias finas a issu, est limba ufitziale de Israele. Unu modellu finas pro sos Sardos, a manera de dare isperu in su tempus venidore de su sardu».
Pro ite un’òpera de Horacio Quiroga?
«Quiroga est cunsideradu su fundadore de sa traditzione literària de sos “contos” ispanoamericanos e unu de sos autores suos prus de importu».
Chie est Rachel Falchi?
«Rachel est una giòvana de 38 annos, nàschida in Bangalore, in su sud de Ìndia, adotada, cando teniat 10 meses, dae una famìlia de Otieri tramudada a Tàtari, chi l’at imparadu su sardu. Est laureada in Economia ma tenet sa passione de s’iscritura in sardu, chi l’at cunsentidu de bìnchere àteros prèmios de importu».
Pro ite sa tradutzione est in Lsc, Limba sarda comuna?
«Sa Limba sarda comuna, deliberada dae sa giunta regionale su 18.4.2006, est una norma de iscritura chi si proponet de mediare intre sas variedades orales de sa limba sarda chi totus faeddamus. Una norma iscrita afortit e no indebìlitat sa limba. E su Prèmiu nostru tenet finas custa punna».
Ite nd’ais a fàghere de custa tradutzione?
«At a èssere publicadu in sardu in forma de libru: “Contos de su padente”, presentadu e premiadu su 11 de santugaine de 2018 in Thiniscole, pro sa “Die internatzionale de sa tradutzione” (festada cada annu su 30 de cabudanni)».
Pro ite “Limbas in ponte”?
«Pro prima cosa, pro pònnere a cunfrontu su sardu cun àteras limbas e culturas; a pustis, pro publicare òperas de grandu iscritores istràngios in unu sardu bonu; in fines, pro cunsentire a su sardu de isvilupare su vocabulàriu suo, in manera moderna. Sena cumplessos de inferioridade, ca in sardu podimus faeddare de totu e de totus».
Su Prèmiu est intituladu a Eliezer Ben Yehuda...
«Ca custu pessonàgiu, nàschidu in su 1858 in una tzitade de Bielorùssia e mortu in Gerusaleme in su 1922, est istadu su linguista, giornalista, iscritore chi at dadu modernidade e unidade a sa limba ebràica chi tando nemos “faeddaiat” ma chi, como, gràtzias finas a issu, est limba ufitziale de Israele. Unu modellu finas pro sos Sardos, a manera de dare isperu in su tempus venidore de su sardu».
Pro ite un’òpera de Horacio Quiroga?
«Quiroga est cunsideradu su fundadore de sa traditzione literària de sos “contos” ispanoamericanos e unu de sos autores suos prus de importu».
Chie est Rachel Falchi?
«Rachel est una giòvana de 38 annos, nàschida in Bangalore, in su sud de Ìndia, adotada, cando teniat 10 meses, dae una famìlia de Otieri tramudada a Tàtari, chi l’at imparadu su sardu. Est laureada in Economia ma tenet sa passione de s’iscritura in sardu, chi l’at cunsentidu de bìnchere àteros prèmios de importu».
Pro ite sa tradutzione est in Lsc, Limba sarda comuna?
«Sa Limba sarda comuna, deliberada dae sa giunta regionale su 18.4.2006, est una norma de iscritura chi si proponet de mediare intre sas variedades orales de sa limba sarda chi totus faeddamus. Una norma iscrita afortit e no indebìlitat sa limba. E su Prèmiu nostru tenet finas custa punna».
Ite nd’ais a fàghere de custa tradutzione?
«At a èssere publicadu in sardu in forma de libru: “Contos de su padente”, presentadu e premiadu su 11 de santugaine de 2018 in Thiniscole, pro sa “Die internatzionale de sa tradutzione” (festada cada annu su 30 de cabudanni)».
Non lasciare decidere l'algoritmo:
scegli La Nuova Sardegna per le tue notizie su Google
