Unu libru pro imparare su sardu a minores e a mannos
“Impariamo il sardo / Imparemus su sardu” est sa segunda editzione, renoada, de s’òpera publicada annos a como dae sas ed. Papiros de Nùgoro. Custu libru, cun pregontas/rispostas e figuras coloradas,...
1 MINUTI DI LETTURA
“Impariamo il sardo / Imparemus su sardu” est sa segunda editzione, renoada, de s’òpera publicada annos a como dae sas ed. Papiros de Nùgoro. Custu libru, cun pregontas/rispostas e figuras coloradas, cheret imparare, in manera discansosa e galana, su sardu a chie si nd’interessat pro sa prima bia. Cun imàgines umorìsticas, presentat sa vida de cada die e sas règulas fundamentales pro cumprèndere e faeddare in sardu. Sa gramàtica est crarida in manera elementare e crara, pro imparare su frasàriu, sa pronùntzia e su vocabulàriu de base de su sardu. Gasi amus a imparare a nàrrere: “salude” e “a mègius bìdere”; sos nùmenes de sas pessones e de sas cosas; dae ue benimus; informatziones de nois, de sa famìlia nostra e de sos amigos nostros; comente est fata sa domo nostra; in ue sunt sas cosas; ite nos agradat a mandigare; cales sunt sos disvagos nostros; comente naramus s’ora e su tempus; a ue andamus; in ue s'agatat unu logu; in ue s’agatat unu caminu...
Non lasciare decidere l'algoritmo:
scegli La Nuova Sardegna per le tue notizie su Google
