Brexit, in tratativas cun sa Ue prima de essire foras de pare
de Maurizio Carta (*)
Sos britànnicos diant chèrrere mantènnere petzi sas partes chi lis agradant S’Unione cheret mantènnere unu raportu ma sena èssere tropu manilasca
3 MINUTI DI LETTURA
LONDRA. Fiat su 1973 cando su Rennu unidu est intradu in sa Comunidade econòmica europea (a s’època si naraiat gasi) e custa fiat diferente meda dae s’Unione europea de oe. Custu Istadu tenet unu’istòria chi totus connoschimus, cun cosas de bonu e de malu, chi at contadu meda in su mundu e contat galu oe, pro su podere mannu chi mantenet. S’Unione europea, cun totu sos difetos suos, dat sa possibilidade de non b’esserent controllos in sas fronteras, ca at fatu a manera chi si potzant mòvere dae unu chirru a s’àteru sos traballadores, sos capitales, sos benes de bèndere e sos servìtzios. In custa manera, su chi produit un’istadu lu podet bèndere in un’àteru logu sena pagare dàtziu in doganas e faghende achirrare su preju.
Finas sas pessones ant pòdidu girare pro andare cun prus fatzilidade a istudiare a foras, emigrare cun prus comodidade e àteras cosas de importu bonu, comente sa collaboratzione in sa seguresa, s’istrutzione, sas meighinas, s’agricultura comuna. Sos Istados, in prus, parant fronte comunu, aunidos, cando tenent ite fàghere cun àteros Istados de su mundu in su setore cumertziale. Difatis istabilint tratados totus in pare in contu de cumèrtziu, ca perunu Istadu a sa sola podet tratare cun àteros in foras de s’Unione, chi duncas pretendet sa fidelidade e s’esclusiva. Comente cando duas pessones sunt cojuadas, abbarrende fideles, sena andare cun àtere. Su Rennu unidu at tentu sa sorte bona cun s’Unione europea, ca est crèschidu e s’est fatu unu de sos prus ricos de su mundu gràtzias finas a custa unione, chi l’est semper cumbènnida. Ma bi sunt semper istados cun unu pee in foras, comente est acuntèssidu pro s’èuro, chi no ant chertu, pro si mantènnere sa moneda issoro. Ma, su 23 de làmpadas 2016, in su referendum, sos britànnicos ant isseberadu, su 52% contra a su 48%, de essire foras de pare e como sunt in tratativas in cherta de su divòrtziu. E su tempus est colende, e in intro de martzu chi benit bi cheret s’acordu de essida, comente previdet sa lege comunitària, un acordu pro tènere un essida ordinària sena problemas pro su post-Brexit. Sos britànnicos diant chèrrere mantènnere petzi sas partes chi lis agradant: praticare su cumèrtziu lìberu cun s’Europa, tratende, in su matessi tempus, a contu issoro cun su restu de su mundu; tancare s’immigratzione o faghende intrare petzi chie cherent issos; collaborare pro sa seguresa ma sena tzèdere nudda in càmbiu e torrare a èssere a soberanias prena. S’Unione cheret mantènnere unu raportu ma sena èssere tropu manilasca, ca, si nono, finas sos àteros, gelosos, diant pòdere istabilire de si nch’imbèrghere e de pedire su matessi, mantenende petzi sas partes chi lis cumbenint. Ca, a tènnere sa cuba prena e sa mugere imbriaga no est possìbile, in nuddue!
(*) giornalista de TPI
The Post Internazionale
Finas sas pessones ant pòdidu girare pro andare cun prus fatzilidade a istudiare a foras, emigrare cun prus comodidade e àteras cosas de importu bonu, comente sa collaboratzione in sa seguresa, s’istrutzione, sas meighinas, s’agricultura comuna. Sos Istados, in prus, parant fronte comunu, aunidos, cando tenent ite fàghere cun àteros Istados de su mundu in su setore cumertziale. Difatis istabilint tratados totus in pare in contu de cumèrtziu, ca perunu Istadu a sa sola podet tratare cun àteros in foras de s’Unione, chi duncas pretendet sa fidelidade e s’esclusiva. Comente cando duas pessones sunt cojuadas, abbarrende fideles, sena andare cun àtere. Su Rennu unidu at tentu sa sorte bona cun s’Unione europea, ca est crèschidu e s’est fatu unu de sos prus ricos de su mundu gràtzias finas a custa unione, chi l’est semper cumbènnida. Ma bi sunt semper istados cun unu pee in foras, comente est acuntèssidu pro s’èuro, chi no ant chertu, pro si mantènnere sa moneda issoro. Ma, su 23 de làmpadas 2016, in su referendum, sos britànnicos ant isseberadu, su 52% contra a su 48%, de essire foras de pare e como sunt in tratativas in cherta de su divòrtziu. E su tempus est colende, e in intro de martzu chi benit bi cheret s’acordu de essida, comente previdet sa lege comunitària, un acordu pro tènere un essida ordinària sena problemas pro su post-Brexit. Sos britànnicos diant chèrrere mantènnere petzi sas partes chi lis agradant: praticare su cumèrtziu lìberu cun s’Europa, tratende, in su matessi tempus, a contu issoro cun su restu de su mundu; tancare s’immigratzione o faghende intrare petzi chie cherent issos; collaborare pro sa seguresa ma sena tzèdere nudda in càmbiu e torrare a èssere a soberanias prena. S’Unione cheret mantènnere unu raportu ma sena èssere tropu manilasca, ca, si nono, finas sos àteros, gelosos, diant pòdere istabilire de si nch’imbèrghere e de pedire su matessi, mantenende petzi sas partes chi lis cumbenint. Ca, a tènnere sa cuba prena e sa mugere imbriaga no est possìbile, in nuddue!
(*) giornalista de TPI
The Post Internazionale
Non lasciare decidere l'algoritmo:
scegli La Nuova Sardegna per le tue notizie su Google
