Giovanni Manca, unu de sos illustradores sardos prus famados
Pro sa coberta de Pinocchio, Papiros at isseberadu sa figura de s’editzione illustrada dae Giovanni Manca (1889, Casteddu - 1984, Bergamo), illustradore, caricaturista e fumetista sardu de sos prus...
1 MINUTI DI LETTURA
Pro sa coberta de Pinocchio, Papiros at isseberadu sa figura de s’editzione illustrada dae Giovanni Manca (1889, Casteddu - 1984, Bergamo), illustradore, caricaturista e fumetista sardu de sos prus famados. In su 1907 si nche tràmudat a Torino e in su 1911 leat parte a sa Prima Espositzione Internatzionale Umorìstica de Rivoli, in ue presentat caricaturas polìticas e figuras satìricas dedicadas a intelletuales e a crìticos de arte. Dae su 1910 a su 1915 collàborat a "Guerin Sportivo", "La Donna", “La Domenica dei fanciulli” . Dae su 1924 si nche tràmudat a Milano in ue est diretore de su "Guerin Meschino", collàborat a "L’Illustrazione", "La Domenica del Corriere" e “Intrepido”. Unu de sos pessonàgios suos prus connotos est “Pier Cloruro de’ Lambicchi” publicadu in su “Corriere dei Piccoli” in ue traballat dae su 1927 a su 1950. In su 1941 illustrat (cun sa sigla Gim) a Pinocchio, in una editzione integrale de 205 pàginas e in un’àtera reduida de 31 pàginas.
Non lasciare decidere l'algoritmo:
scegli La Nuova Sardegna per le tue notizie su Google
